Jab Tak Hai Jaan

ဒီကားလေးက ၂၀၁၂ ခုနှစ်မှာ ထွက်ရှိခဲ့တဲ့ Romance/Drama အမျိုးအစား အိန္ဒိယရုပ်ရှင်ဇာတ်ကားလေး ဖြစ်ပါတယ်။ ဘောလီးဝုဒ်ရုပ်ရှင် လောကရဲ့  နာမည်ကြီး ရုပ်ရှင်သရုပ်ဆောင်ဖြစ်တဲ့ မင်းသားကြီး ရှရွတ်ခန်နဲ့ အတူ မင်းသမီး Katrina Kaif နဲ့ Anushka Sharma တို့က သရုပ်ဆောင်ထားပါတယ်။ အဲ့ဒါအပြင် ဒီဇာတ်ကားဟာဆိုရင် 3 Idiots, My Name is Khan စတဲ့ရုပ်ရှင်ဇာတ်ကားတွေပြီးရင် ဝင်ငွေ တတိယ အကောင်းဆုံးရုပ်ရှင်ကားဖြစ်ပြီး ရုပ်ရှင် အကယ်ဒမီ ဆုများစွာကိုလည်း ရရှိခဲ့တာဖြစ်ပါတယ်။ ဒီကားကို ဒါရိုက်တာ Yash Chopra က ရိုက်ကူး ခဲ့ပြီး သူ့ရဲ့နောက်ဆုံးရိုက်ကူးခဲ့တဲ့ရုပ်ရှင် ဇာတ်လမ်းလည်း ဖြစ်ပါတယ်။ ဇာတ်လမ်းအကျဉ်းလေးကတော့ အိန္ဒိယကြည်းတပ်ရဲ့ မိုင်းရှာဖွေရေး တပ်ဖွဲ့ရဲ့ခေါင်းဆောင် ဗိုလ်မှူး ဆာမာ အာနန်ဟာ အတိတ်မှာ အရမ်းကို တက်ကြွတဲ့ လူငယ်တစ်ဦးဖြစ်ခဲ့ပါတယ်။ တစ်နေ့ သူဟာလန်ဒန်မြို့ရဲ့ လူကုံထံသူဌေးသမီးလေး မီရာကို ချစ်မိသွားခဲ့ပါတယ်။ မီရာက ဘာသာရေးအရမ်းစိတ်ဝင်စားပြီး ဘုရားသခင်ထံ အမြဲဆုတောင်းတတ်တဲ့ ကောင်မလေးဖြစ်ပါတယ်။ တစ်နေ့မှာ ဆာမာနဲ့မီရာတို့ ချစ်မိသွား ပေမယ့် သူငယ်ချင်းလိုပဲဆက်နေသွားကြဖို့ သစ္စာဆိုခဲ့ကြပါတယ်။ ဒါပေမယ့် အဲ့ကတိကိုမတည် နိုင်ခဲ့ကြပါဘူး။ တစ်နေ့မှာ ဆာမာ အက်စီးဒင့်ဖြစ်ပြီး မီရာက ဘုရားကဒဏ်ခတ်တာဆိုပြီး ဆာမာ့ကို ကယ်ဖို့၊ နောက်ထပ် ဆာမာနဲ့ဘယ်မတွေ့တော့ဘူးဆိုတဲ့အကြောင်း သစ္စာထပ်ဆိုပြီးတဲ့နောက် သူတို့ နှစ်ယောက် ဘယ်လိုဆက်ဖြစ်ကြတယ်… ဆာမာ ကရော လူငယ်လေးကနေ ဗိုလ်မှူးဖြစ်သွား ရတယ်…နောက်ဆုံးမှာ ဆာမာနဲ့မီရာ Happy Ending ဖြစ်ကြရဲ့လားဆိုတာကို ရင်ခုန်စိတ် လှုပ်ရှားစွာနဲ့ ကြည့်ရှုကြမယ်နော်….ဒီကားလေးကိုကြည့်ပြီးစိတ်အပန်းဖြေနိုင်ကြပါစေ….