Innale Vare

နာမည်ကျော်အနုပညာရှင် အာဒီဟာ လူသိများလှတဲ့ သရုပ်ဆောင်တစ်ဦးပါ။ ဒါပေမဲ့ သူ့ရဲ့ personal ဘဝက သိပ်တော့ မရိုးရှင်းလှပါဘူး။ မျှော်လင့်ထားသလောက် မပေါက်တဲ့ ဇာတ်ကားတွေကြောင့် အကြွေးတချို့ တင်နေရပါတယ်။ အချစ်ရေးမှာလည်း ယခင် လုပ်ဖော်ကိုင်ဖက်ဟောင်းဖြစ်တဲ့ အိမ်ထောင်သည် မင်းသမီးတစ်ယောက်နဲ့ ဖောက်ပြန်နေသလို ချစ်သူမိန်းကလေးကလည်း သက်သက် ရှိနေပါသေးတယ်။ ဒီလိုနဲ့ အာဒီ့ရဲ့ဘဝထဲကို ကြမ္မာဆိုးငင်မယ့်နေ့တစ်နေ့ ရောက်လာပါတယ်။ နာမည်ကျော်အနုပညာရှင်ဖြစ်တဲ့ အာဒီတစ်ယောက် ကံဆိုးမိုးမှောင်ကျရောက်သွားပုံကတော့ ရုတ်တရက် လမ်းကြုံကားလိုက်စီးမိတဲ့ အဖြစ်ကနေ အစချီပါတယ်။ လမ်းကြုံလိုက်ဖို့ ကားတားလိုက်ရာမှာ ကားမောင်းသူကတော့ ရှန်နီဆိုသူ အမျိုးသမီးတစ်ယောက်ဖြစ်ပြီး သူ့အမျိုးသားဟာ အာဒီရဲ့ ပရိသတ်အကြီးစားမို့ အိမ်ကို ခဏအလည်ဝင်ဖို့ အတင်းဖိတ်ပါတယ်။ အားနာနာနဲ့ လက်ခံလိုက်မိတဲ့ အာဒီကတော့ အဲ့ဒီလင်မယားရဲ့ ကျော့ကွင်းမှာ ကောင်းကောင်းကြီး သက်ဆင်းမိသွားပြီဆိုတာ မသိရှာပါဘူး။ အဲ့ဒီလင်မယားရဲ့ ရည်ရွယ်ချက်က ဘာများလဲ၊ အာဒီကရော ကံဆိုးမိုးမှောင်ကျသွားတဲ့သူ့အဖြစ်ကနေ လွတ်အောင် ရုန်းထွက်နိုင်ပါ့မလားဆိုတာ ဇာတ်ကားထဲမှာ ကြည့်ရှုခံစားနိုင်မှာဖြစ်ပါတယ်။ ပုံမှန်အိန္ဒိယဇာတ်ကားတွေနဲ့ လုံးဝကွဲထွက်နေတဲ့ ဇာတ်ကားမျိုးဖြစ်ပြီး IMDb rating 6 အထိရထားတာမို့လို့ ရင်တလှပ်လှပ်နဲ့ စိတ်ဝင်တစား ကြည့်ရှုရမှာ သေချာပါတယ်။