
ဒီတရုတ် Horror ဇာတ်ကားလေးကတော့ မကြာသေးခင်ကမှ ပူပူနွေးနွေး ထွက်လာတဲ့ လုံးဝ Horror Vibe အပြည့်ရမယ့် ဇာတ်ကားတစ်ကားပါ။ ညဘက်မှာ နားကြပ်လေး တပ်ပြီး ကြည့်ရင်တော့ ရှယ်ပဲပေါ့ဗျာ။ Horror ကား ကြိုက်တတ်တဲ့သူတွေအတွက်တော့ လုံးဝ လက်မလွှတ်သင့်တဲ့ ဇာတ်ကားတစ်ကားလို့ ပြောလိုက်ပါရစေ။ ပြောရရင် ဇာတ်လမ်းက ကြည့်ရှုသူတွေကို တဖြည်းဖြည်းချင်း ဆွဲခေါ်သွားမဲ့ ဇာတ်လမ်းမျိုးပါ။ ဇာတ်လမ်းအကျဉ်း ပြောရရင်တော့ဖြင့် တောင်ပေါ်မှာ နေထိုင်တဲ့ လူမျိုးတစ်စုရဲ့ ကန်တော့ပွဲကို သွားကြတဲ့ သူငယ်ချင်းသုံးယောက်ဟာ မဝင်ရပါဘူးလို့ တားမြစ်ထားတဲ့ ဉမင်လိုဏ်ခေါင်းထဲကို ဝင်သွားခဲ့မိတဲ့အတွက် အငြိုးကြီးတဲ့ နတ်တစ်ပါးရဲ့ လက်စားချေခြင်းလို့ပဲ ပြောရမလား၊ အယူသီးတဲ့ လူတွေရဲ့ စွဲလမ်းခြင်းလို့ပဲ ပြောရမလား၊ ဒီလိုနဲ့ ကံဆိုးခြင်းတွေက သုံးယောက်ထဲက တစ်ယောက်ပဲ အသက်ရှင်ကျန်တဲ့ လီရို့နန်နဲ့ သူ့ဗိုက်ထဲက ကလေးမလေး သိုသိုတို့ဆီ နောက်ကနေ ကပ်လိုက်လာပါတယ်။ သူတို့ကို ကူညီဖို့ ကြိုးစားတဲ့လူတိုင်းလည်း သေဆုံးသွားရပါတယ်။ ဒီတော့ နောက်ဆုံးမှာ သူ့အနေနဲ့ ဒါကို ဘယ်လိုဖြေရှင်းသွားရမလဲ၊ တကယ်ရော ဖြေရှင်းနိုင်ခဲ့ရဲ့လား၊ ဒါတွေကတော့ ပရိသတ်ကြီးကိုယ်တိုင်ပဲ ကြည့်ပြီး အဖြေရှာလိုက်ပါ။