I Hope You Are Well

ဒီတရုတ်ကားလေးက ၂၀၂၀ နိုဝင်ဘာတုန်းက ထွက်ရှိထားတဲ့ ဖြစ်ရပ်မှန်ကို အခြေခံပြီး ရိုက်ကူးထားတဲ့ မေတ္တာဖွဲ့ဇာတ်ကားလေးပါ။ ပရိသတ်တွေကို အရင်ဆုံး သတိပေးချင်တာက မျက်ရည်မခိုင်တဲ့သူတွေဆို အနားမှာ တစ်ရူးယူထားဖို့ ပြောလိုက်ပါရစေ။ ဒီဇာတ်ကားဟာဆိုရင် မိဘနဲ့သားသမီးကြားက မေတ္တာကို အခြေတည်ပြီး ရိုက်ကူးထားတဲ့ ဇာတ်ကား ဖြစ်တဲ့အပြင် လူသားချင်းစာနာမှုဟာ ဘာလဲဆိုတာကိုပါ မီးမောင်းထိုး ရိုက်ပြထားပါတယ်။ အချုပ်ပြောရရင် ဒီဇာတ်ကားဟာ လူတိုင်းကြည့်သင့်တဲ့ အင်မတန့်အင်မတန်ကောင်းတဲ့ ဇာတ်ကားပါ။ Heart ထိတယ် ဆိုတဲ့ စကားဟာ ပြောရရင် ဒီဇာတ်ကားအတွက်တော့ လုံးဝမှန်ပါတယ်။ ဇာတ်လမ်း ဇာတ်ကွက်ကို အပိုအလိုမရှိအောင် အိုဗာ မဖြစ်အောင် ရိုက်ကူးထားတဲ့အပြင် သရုပ်ဆောင်တွေရဲ့ ပြီးပြည့်စုံတဲ့ သရုပ်ဆောင်မှုကြောင့် ဘေးကနေ တကယ်ကြည့်နေရသလိုမျိုး ခံစား နေရမယ့် ဇာတ်ကားပါ။ အဲ့တော့ ပရိသတ်တို့ မကြည့်ရသေးရင် ကြည့်ဖို့ ကြည့်ပြီးရင်လည်း ထပ်ကြည့်ကြဖို့ တိုက်တွန်းလိုက်ပါရစေ။ ဇာတ်လမ်းအကျဉ်းအနေနဲ့ကတော့ ကော်ဟွာ ဆိုတဲ့ ဆင်းရဲသား တစ်ယောက်ဟာ တောထဲမှာပစ်ထားတဲ့ ကလေးမလေး တစ်ယောက်ကို ကောက်ရပြီး သူ့သမီးသဖွယ် ပျိုးထောင်လာတာ ၇ နှစ် ရှိပါပြီ။ ကလေးမလေးကလည်း အရမ်းလိမ္မာရှာပါတယ်။ ဒါပေမယ့် လူကောင်းတွေ ဆိုရင် လောကကြီးက မျက်နှာသာ မပေးပါဘူး။ ကလေးမလေးမှာ သွေးကင်ဆာရောဂါ ရှိနေပါတယ်။ ဆေးရုံကို သွားပြတော့ ဆေးရုံက ငွေ ၃ သိန်း ပြင်ထားဖို့သာ ပြောပါတယ်။ အဖေ ဖြစ်သူမှာ ဆင်းရဲသား ဖြစ်တာကြောင့် ဒီပိုက်ဆံကို ဘယ်လိုမှ မတတ်နိုင်ရှာပါဘူး။ ဒီတော့ သူ့ သမီးလေးအသက်ကို ကယ်နိုင်မယ့်ပိုက်ဆံရဖို့ ဘယ်လိုတွေ ရုန်းကန်ရမလဲ၊ သူ့သမီးလေးကရော အသက်ရှင်သွားမှာလား စတာကို သိချင်ရင် တော့ အခုပဲ ကြည့်ရှုလိုက်ပါ