Hush

ဒီကားလေးက 2009 ကထွက်ရှိထားတဲ့ လျှို့ဝှက်သည်းဖိုရုပ်ရှင်ဖြစ်ပြီး rating 6 အထိရရှိထားပါတယ်။ ဇိတ်စ်အဖြစ် ဗြိတိန်မင်းသား William Ash နဲ့ ဘက်သ်အဖြစ် Christine Bottomley တို့က ပါဝင်သရုပ်ဆောင်ထားပါတယ်။ ဇာတ်လမ်းအကျဉ်းကတော့ ဇိတ်စ်နဲ့ဘက်သ်တို့စုံတွဲဟာ ညဘက်ကြီး အမြန်လမ်းမမှာကားမောင်းသွားရင်း သမီးရည်းစားသဘာဝ ကောင်မလေးက ကောင်လေးရဲ့အလိုက်မသိမှုကို ပြဿနာရှာပြီး ရန်ဖြစ်စကားများကြတာပေါ့။ ဇိတ်စ်က ပိုစတာသမားဆိုတော့ သူကဆိုင်တွေမှာ ပိုစတာလိုက်ကပ်ရတယ်။ သူ့ကောင်မလေးဘက်သ်ကတော့ သူ့ဘေးကအဖော်လိုက်ပေးတာပါ။ အဲဒီလိုကားမောင်းနေရင်း သူတို့ကိုကျော်တက်သွားတဲ့ ကုန်တင်ကားတစ်စီးရဲ့နောက်ခန်းမှာ ကိုယ်လုံးတီးနဲ့ လှောင်ပိတ်ခံထားရတဲ့ အမျိုးသမီးကို အမှတ်မထင်‌တွေ့လိုက်ရတယ်။ ဇိတ်စ်တို့အတွဲလဲ ပျာပျာသလဲရဲဆီဖုန်းဆက်ပေမဲ့ ကုန်တင်ကားနံပါတ်ကို မသိတော့ ဖြေရှင်းရခက်နေတာပေါ့။ ပြီးတော့ စကားဆက်များကြရင်း လမ်းခွဲမယ်ဆိုပြီး ဘက်သ်ကထွက်သွားတဲ့အချိန်မှာတော့ ဘက်သ်ပါ ပျောက်သွားခဲ့တယ်။ ဇိတ်စ်လည်း ကုန်တင်ကားသမားက သူ့ကောင်မလေးကိုပြန်ပေးဆွဲသွားတယ်အထင်နဲ့ အဲဒီကားနောက်ဆက်လိုက်သွား တယ်။ ရဲတွေကလည်းမကူညီ၊ စိတ်ဝေဒနာရှင်ကုန်တင်ကားသမားကလည်း အမျိုးသမီးတွေကိုပြန်ပေးဆွဲ၊ လူသတ်မှုတွေကလည်းဖြစ်နဲ့ ဇိတ်စ် တစ်ယောက် သူ့ကောင်မလေးကို ပြန်ရှာတွေ့ပြီး psycho ကောင်ရဲ့လက်ထဲကနေ ကယ်ထုတ်နိုင်ပါ့မလားဆိုတာ ဆက်လက်ရှုစားလိုက်ပါဦးနော်