Honsla Rakh

အခု တင်ဆက်ပေးမှာကတော့ “Honsla Rakh” ဆိုတဲ့ Punjabi ရုပ်ရှင်လေးပဲ ဖြစ်ပါတယ်။ ဇာတ်လမ်းလေးကတော့ Family, Romance, Comedy အမျိုးအစားဖြစ်ပြီး ဒါရိုက်တာ Amarjit Singh မှ ရိုက်ကူးတင်ဆက်ထားပါတယ်။ ဒီဇာတ်လမ်းလေးကို ရယ်စရာဟာသလေးတွေနဲ့ ဘဝသင်ခန်းစာတွေကိုပါ ရောယှက်ပြီး ရိုက်ကူးထားပါတယ်။ သရုပ်ဆောင်တွေအနေနဲ့ကတော့ Sonam Bajwa, Diljit Dosanjh, Shehnaaz Kaur Gill နဲ့ Shinda Grewal တို့က အဓိက ပါဝင်သရုပ်ဆောင်ထားပါတယ်။ ဇာတ်လမ်းလေးရဲ့ အကျဉ်းချုပ်ကတော့ Singh (Diljit) နဲ့ Sweety (Shehnaaz Gill) တို့က ရည်မှန်းချက်တွေကိုယ်စီနဲ့ ဘဝကို ရှေ့ဆက်ချင်တဲ့ စုံတွဲတစ်တွဲပါ။ တစ်နေ့မှာတော့ သူတို့ရဲ့ ဘဝထဲကို မမျှော်လင့်ထားတဲ့ သားလေးတစ်ယောက် ရောက်လာဖို့ အကြောင်းဖန်လာပါတော့တယ်။ ရည်မှန်းချက် အိပ်မက်တွေကို မစွန့်လွှတ်ချင်တဲ့ အမေဖြစ်သူ Sweety (Shehnaaz Gill) က ကွာရှင်းဖို့ ဆုံးဖြတ်လိုက်တဲ့အခါမှာတော့ အဖေဖြစ်သူ Singh (Diljit) တစ်ယောက်တည်း ကလေးကို စောင့်ရှောက်ဖို့၊ တာဝန်ယူဖို့ ဖြစ်လာပါတော့တယ်။ ဒါပေမဲ့ Singh ကလည်း သူ့ရဲ့ single father ဘဝကို ရုန်းကန်နေရင်းနဲ့ သူ့တို့သားအဖနှစ်ယောက်အတွက် ပြီးပြည့်စုံတဲ့ မိသားစုလေးရအောင် နောက်အိမ်ထောင်ပြုဖို့ အမြဲတမ်းကြိုးစားနေခဲ့ပါတယ်။ ဒီဇာတ်လမ်း လေးမှာတော့ ကြည့်နေကျ အိန္ဒိယကားတွေပုံစံအတိုင်း သီချင်းလေးနဲ့ အစပြုထားပြီး အရာရာမှာ စဉ်းစားတွေးခေါ်တတ်တဲ့ သားလေး Honsla (Shinda Grewal) နဲ့ အဖေ Singh (Diljit) တို့ တက်ညီလက်ညီ အမေသစ်လေးကို ရှာဖွေကြပုံကို မိသားစု ပုံစံ ရယ်စရာဟာသလေးတွေနဲ့ ရောနှောပြီး ရိုက်ကူးတင်ဆက်ထားတာကို ကြည့်ရှုခံစားရမှာပါ။