Happy Ghost III

ဒီဇာတ်ကားလေးကတော့ ကြိုးသရဲကားရဲ့ တတိယမြောက်ဇာတ်ကားဖြစ်ပြီးတော့ ရှေ့က ဇာတ်ကားများလိုပဲ ရယ်ရယ်မောမောနဲ့ ကြည့်ရမှာပါ။ ရှေ့က ကြိုးသရဲကားများနဲ့ မတူတဲ့ ထူးခြားချက်ကတော့ နောက်ထပ် သရဲတစ်ကောင် ထပ်ပါလာတာပါပဲ။ အထူးသဖြင့် ဒီတစ်ကားမှာတော့ အချစ်ကို ပုံဖော်ထားပါတယ်။ ဇာတ်လမ်းအကျဉ်းအနေနဲ့ကတော့ ခန်းရှင်းကွေ့ဟာ သူ့ရဲ့ ကျောင်းဆရာအလုပ်နဲ့ ရည်းစားတစ်ဖက်နဲ့ ဗျာများနေရင်း လမ်းမှာ ဗိုက်ကြီးသည်တစ်ယောက်ကို ကူညီပေးမိရာက ပြဿနာစပါတော့တယ်။ ဗိုက်ကြီးသည်ကို ကူညီပေးရာက တလွဲတွေဖြစ်ပြီး လူဝင်စားဖို့ စောင့်နေတဲ့ သရဲမခင်ဗျာ ပြဿနာတက်ပါတော့တယ်။ အဲ့မှာ သရဲမကလည်း တစ်ခါမဟုတ် နှစ်ခါမဟုတ်နဲ့ ပေါက်ကွဲပြီး ခန်းရှင်းကွေ့ကို ပြန်ပြီး ဒုက္ခပေးပါတော့တယ်။ ဒါပေမယ့် နောက်မှာတော့ ခန်းရှင်းကွေ့ဟာ သူ့ရဲ့ အရင်ဘဝ ကြိုးသရဲရဲ့ အကြံပေးမှုကို လိုက်နာပြီး သရဲမ သူ့ကို ဒုက္ခမပေးအောင် တစ်နည်းအားဖြင့် ပြောရရင် သရဲမ သူ့ကို ကြိုက်လာအောင် ကြိုးစားရပါတော့တယ်။ အဲ့မှာ သူနဲ့ သရဲမ ဘယ်လိုတွေ နှစ်ပါးသွားပြီး ဘယ်လိုတွေ တလွဲတွေ လုပ်အုံးမလဲဆိုတာ ကိုယ်တိုင်ပဲ ကြည့်ရှုလိုက်ပါအုံး။