Hantu Kak Limah

အခုတစ်ခေါက်ကတော့ horror & comedy ကြိုက်တတ်တဲ့ ရွှေပန်းသီးပရိသတ်များအတွက် (၂၀၁၈) ခုနှစ်က ထွက်ရှိထားတဲ့ မလေးရှား သရဲကားကို တင်ဆက်ပေးလိုက်တာ ဖြစ်ပါတယ်။ ကန်ပန်ပီဆန်ဆိုတဲ့ ရွာတစ်ရွာမှာ ဇာတ်အိမ်တည်ထားပါတယ်။ ကူဒါဆိုတဲ့ လူငယ်လေးက သူ့ထက်အသက်ကြီးတဲ့ ကလီမာ ဆိုတဲ့ ဘွားတော်နဲ့ လက်ထပ်လိုက်ပြီး ယောင်နောက်ဆံထုံးပါ ဆိုသလို အိမ်ကိုခေါ်လာတာပေါ့။ ဘွားတော်ကရုပ်ဆိုးပေမဲ့ ဟင်းချက်တော်တာကို ကြွေသွားတယ်နဲ့တူပါတယ်။ ကူဒါနဲ့ ဘော်ဒါတစ်သိုက် အလုပ်ဆင်းခိုက် အိမ်မှာကျန်ခဲ့တဲ့ ကူဒါ့မိန်းမ ကလီမာတစ်ယောက် အကြောင်းအရင်းမပေါ်ဘဲ ကိစ္စချောသွားပါတယ်။ အဲ့ဒီမှာ ဇာတ်လမ်းက စတော့တာပါပဲ။ အကြောင်းအရင်းမပေါ်ဘဲ သေသွားတဲ့ ကလီမာ တစ်ယောက် မကျွတ်မလွတ်ဖြစ်ရင်း ရွာသားတွေကို ခြောက်လှန့်နေခဲ့ရာမှ သတ္တိကောင်းတဲ့ ရွာသားတွေနဲ့ စိန်ပြေးလိုက်တမ်း ကစားကြရင်း ကူဒါတို့ဘော်ဒါတွေရဲ့ အလွဲလွဲအချော်ချော် ကိုလည်း မြင်တွေ့ရပါမယ်။ နောက်ဆုံးမှာတော့ ရွာကိုဒုက္ခပေးနေတဲ့ သရဲမကလီမာ ကို ကူဒါတို့ဘယ်လိုတိုက်ထုတ်ကြမလဲ ဘယ်လိုတွေ သတ်ကြဦးမလဲ ကလီမာကရော ဘာလို့သေသွားတာလဲ ဆိုတာ အတူတူကြည့်ရင်း ခွီလိုက်ကြရအောင်။ IMDB rating ကတော့ 5.6/10 ပါ။ မလေးရှားသရဲကားဆိုလို့ အကြောက်ကြီးကြောက်ရမယ် မထင်ပါနဲ့ တစ်ကားလုံး ခွီနေရမှာမို့လို့ ပရိသတ်တွေ အမောပြေရမှာ အသေအချာပါပဲဗျို့။