Hansel & Gretel: Witch Hunters

Hansel & Gretel: Witch Hunters ဇာတ်ကားလေးက ၈၈ မိနစ်ကြာမြင့်ပြီး Gary Sanchez Productions ကနေ ၂၀၁၃ ခုနှစ် ဇန်နဝါရီလမှာ စတင်ထုတ်ဝေခဲ့တဲ့ ဒါရိုက်တာ Tommy Wirkola ရဲ့ စုန်းလိုက်မုဆိုးကားလေးဖြစ်ပြီး ဒီကားလေးမှာ Jeremy Renner နှင့် Gemma Arterton တို့က Hansel နဲ့ Gretel စုန်းလိုက်မုဆိုး မောင်နှမတွေအဖြစ် ခပ်မိုက်မိုက် ဒီဇိုင်းတွေ အက်ရှင်တွေနဲ့ ပါဝင်သရုပ်ဆောင်ထားကြတာကို တွေ့မြင် ကြရမှာဖြစ်ပါတယ်။ Hansel နဲ့ Gretel မောင်နှမနှစ်ယောက်ဟာ လူမမယ်အရွယ်မှာ တောနက်ထဲမှာ စုန်းမကြီးနဲ့ ရင်ဆိုင်တွေ့ကြုံခဲ့ရပုံတွေ၊ စုန်းမကြီးရန်ကနေ လွတ်မြောက်လာခဲ့ပြီး နှစ်ပေါင်းများစွာကြာပြီးနောက် စုန်းကဝေတွေကို လိုက်လံချေမှုန်းခဲ့ပုံတွေ၊ Augsburg မြို့မှာ ကလေး တွေကို စုန်းတွေဖမ်းခေါ်နေတဲ့ပြဿနာကို ဖြေရှင်းဖို့ မြို့စားက Hansel နဲ့ Gretel မောင်နှမကို ငှားရမ်းရာကနေ စုန်းကဝေတွေ အားလုံးရဲ့ အကြီးအကဲဖြစ်တဲ့ စုန်းမကြီး Muriel နဲ့တွေ့ဆုံတိုက်ခိုက်ခဲ့ရပြီး ပျောက်ဆုံးသွားတဲ့ ကလေးတွေကို ကယ်တင်ရင်း သူတို့မိဘတွေ အတွက် သွေးကြွေးဆပ်ခဲ့ပုံတွေကို ရင်သပ်ရှုမောစွာ ကြည့်ရှုရမယ့် အက်ရှင်ဇာတ်ကားကောင်းလေးတစ်ခုပဲ ဖြစ်ပါတယ်။