Hachi: A Dog’s Tale

ဒီတစ်ခါ ရွှေပန်းသီးပရိတ်သက်တွေအတွက် တင်ဆက်ပေးမယ့် ကားလေးကတော့ ၁၉၂၀ ခုနှစ်လောက်တုန်းက ဂျပန်နိုင်ငံမှာ ဖြစ်ပွားခဲ့တဲ့ အကြောင်းလေးကို ပြန်လည်ရိုက်ကူးထားတဲ့ ဖြစ်ရပ်မှန်ဇာတ်လမ်းလေးပဲ ဖြစ်ပါတယ်။ ဇာတ်လမ်းလေးရဲ့ နာမည်က Hachi: A Dog’s Tale ပဲဖြစ်ပါတယ်။ ဒီကားလေးကိုတော့ ဒါရိုက်တာကြီး Lasse Hallstrom က ရိုက်ကူးထားပြီး နာမည်ကြီး သရုပ်ဆောင်တွေဖြစ်တဲ့ Richard Gere၊ Joan Allen၊ Erick Avari နဲ့ Jason Alexander တို့က ပါဝင်သရုပ်ဆောင်ထားပါတယ်။ ဇာတ်လမ်းအကျဉ်းလေးကတော့ ဟာချီဆိုတဲ့ ခွေးလေးက ရထားလမ်းပေါ်မှာ လမ်းပျောက်နေတဲ့အချိန် ပရော်ဖက်ဆာ Wilson နဲ့စတွေ့တဲ့နေရာလေးကနေပြီးတော့ ဒီဇာတ်လမ်းလေး စတင် ပေါက်ဖွားလာတာပဲ ဖြစ်ပါတယ်။ ပရော်ဖက်ဆာ Wilson က အစကတော့ ဟာချီကိုလေးကို မွေးဖို့စိတ်ကူးမရှိပေမယ့် ဟာချီကိုလေးကို ဘယ်သူမှလဲမမွေးချင်..ခွေးဂေဟာကိုလည်း မပို့ချင်တဲ့အဆုံးမှာတော့ သူ့ကိုမွေးဖို့ ဆုံးဖြတ်လိုက်ပါတော့တယ်။ ဟာချီလေးက ပရော်ဖက်ဆာ Wilson ကို အရမ်းသံယောဇဉ်ရှိရှာတာ…ပရော်ဖက်ဆာအိမ်အပြန်ကို အမြဲတမ်း စောင့်မျှော်တတ်တဲ့ ဟာချီလေး တစ်နေ့မှာ…အမြဲတမ်း စောင့်မျှော်နေပါ့မလား ဘာတွေဘယ်လိုဆက်ဖြစ်မယ်ဆိုတာတော့ ဆက်လက်ကြည့်ရှုလိုက်ပါအုံးရှင်..