Gunpowder Milkshake

ဒီတစ်ခါ ပရိတ်သတ်ကြီးကိုတင်ဆက်ပေးမှာကတော့ Gunpowder Milkshake လို့အမည်ရတဲ့ အက်ရှင်အလန်းစားတွေပါဝင်တဲ့ ပရိတ်သတ်တို့အကြိုက်ဇာတ်ကားလေးပဲဖြစ်ပါတယ်။ ဇာတ်လမ်းကိုတော့ ကြေးစားလူသတ်သမားတွေကိုငှားပြီး မှောင်ခိုဂိုဏ်းတွေရဲ့အရှုပ်ထုပ်တွေကို ရှင်းပေးနေတဲ့ အဖွဲ့အစည်းတစ်ခုကို မိတ်ဆက်တာနဲ့စတင်ထားပါတယ်။ ဒီအဖွဲ့ရဲ့ကြေးစားလူသတ်သမားဖြစ်တဲ့ ဆမ်ဆိုတဲ့မိန်းကလေးဟာ သူ့အမေသူ့ကိုထားခဲ့တဲ့အချိန်ကစပြီး ကြေးစားလူသတ်သမားဖြစ်လာတာပါ။ ဒီနေရာမှာပြန်ရှင်းရရင် သူ့အမေကလည်းကြေးစားလူသတ်သမားဖြစ်တာကြောင့် ဆမ်အနေနဲ့ လုပ်ကိုင်စားဖို့ရာ သူတတ်တာကတော့ လူသတ်တာပါပဲ။ ဒီလိုနဲ့ ဆမ် မစ်ရှင်ကိုဆောင်ရွက်နေတုန်း အကောင်ကြီးတစ်ကောင်ရဲ့ ချစ်သား လေးကိုမှရောပြီးသတ်မိသွားပါတယ်။ သူ့အချစ်ဆုံးသားလေးကိုသတ်သွားတဲ့ ဆမ့်ကိုမြေလှန်ရှာနေတဲ့အချိန် ဆမ်ကတော့ နောက်ထပ်ပြဿနာတစ်ခုကို ထပ်ပြီးအစပျိုးလိုက်ပါတယ်။ ဒီတော့ ဆမ်တစ်ယောက် ဒီလူတွေလက်ကနေ ဘယ်လိုလွတ်မြောက်အောင်လုပ်မှာလဲ။ သူနောက်ထပ်ရှာလိုက်တဲ့ပြဿနာကရောဘယ်လောက်ထိကြီးမားလာမှာလဲ၊ သူ့ကိုထားခဲ့တဲ့သူ့အမေကရော ဘာကြောင့်ရုတ်တရက်ကြီးသူ့ကိုထားသွားရတာလဲ စတဲ့အကြောင်းအရာတွေကို အက်ရှင်အလန်းစားတွေနဲ့ပေါင်းစပ်ပြီး ဇာတ်ကားကောင်းတစ်ကားကိုဖန်တီးထားတာမို့ ပရိတ်သတ်ကြီးကြည့်သင့်တဲ့ ကားကောင်းလေးတစ်ကားပဲဖြစ်ပါတယ်။