Green Snake: The Fate of Reunion

ငယ်ငယ်တုန်းက တီဗီမှာ လာတဲ့ မြွေ‌ဖြူမလေး ဇာတ်ကားကို ကြည့်ဖူးကြမယ်လို့ ထင်ပါတယ်။ ဒီ ဇာတ်လမ်းကိုပဲ အကြိမ်ကြိမ် remake version နဲ့ ပြန်ရိုက်ထားတာတွေလည်းအများကြီးပါပဲ။ ဒီကားမှာတော့ သုံးထားတဲ့ virtual effect သိုင်းပါဝါစွမ်းအင်တွေကလည်း အတော်ကောင်းလာပါပြီ။ setting တွေလည်း ငွေကုန်ကြေးကျခံပြီး ရိုက်ထားတာပါ။ IQYI rating လည်း 9.3/10 ထိ ရထားပါသေးတယ်။ April fool day မှာမှ အသစ်စက်စက်ထွက်ရှိထားတာဖြစ်လို့ ဒီလိုကားကောင်းလေးကို ရွှေပန်းသီးပရိသတ်တို့အတွက် ပထမဦးဆုံး ဘာသာပြန်တင်ဆက်ပေးလိုက်ပါတယ်။ ဒီကားလေးက မြွေဖြူမလေးနဲ့ မြွေစိမ်းမလေးတို့ မတွေ့ခင် နှစ်ပေါင်း ၅၀၀ တုန်းက မြွေဖြူမလေးရဲ့ ညီမ မြွေစိမ်းမလေး အကြောင်းကို ရိုက်ကူးထားတာပါ။ မြွေစိမ်းမလေးဟာ တရားကျင့်ကြံအားထုတ်ရင်း မိုးကောင်းကင်ရဲ့ ပြစ်ဒဏ်သင့်ပြီး သေဆုံးခါနီးမှာ အဓိကဇာတ်ကောင်ရဲ့ အရင်ဘဝဖြစ်တဲ့ တောက်ချင်း က သူ့ရဲ့ နတ်သစ်သီးအစွမ်းကို ကောင်မလေးကို ပေးလိုက်ပါတယ်။ တကယ်တော့ သူက နတ်ပြည်က ကျလာတဲ့ နတ်သစ်သီးတစ်လုံး အပင်ရောက်ရာကနေ တရားပေါက်ပြီး နတ်ဖြစ်လာသူပါ ။ သူက မိုးကောင်းကင်ရဲ့အလိုဆန္ဒကို ဆန့်ကျင်ရာ ရောက်သွားလို့ သူကိုယ်တိုင်လည်း ဘဝသံသရာစက်ဝန်းမှာ လူဝင်စားဖို့ အပြစ်ပေးခံရပါတော့တယ် ။ မြွေစိမ်းမလေးက သူ့ကို ကယ်ခဲ့တဲ့ တောက်ချင်းကို နှစ်ပေါင်း ၃၀၀တိုင် ရှာဖွေခဲ့ပြီး လက်ရှိဘဝမှာမှ ပြန်လည်ဆုံစည်းရတာပါ။ ဒါပေမဲ့ ချစ်ရသူကောင်လေးကလည်း မိစ္ဆာတွေနှိမ်နင်းတဲ့ နတ်ဆရာ ဖြစ်နေတော့ သူတို့ နှစ်ဦးကြားမှာ ဘာတွေ ဆက်ဖြစ်မလဲ၊ ကောင်လေးကရော မြွေစိမ်းမလေးကို ဒီဘဝမှာ မှတ်မိနိုင်ပါဦးမလား၊ သူတို့ချစ်သူနှစ်ဦးဟာ ဒီဘဝမှာရော အတူတကွ ဖြတ်သန်းနိုင်ကြပါ့မလား၊ သူတို့ နှစ်ဦးကြားက အချစ်စွမ်းအားတွေ ဘယ်လောက် တည်မြဲကြဦးမလဲ ဆိုတာ‌တွေကို effect ကောင်းကောင်းနဲ့ ကြည့်ရှုခံစားရမှာပါ။ supporting characters တွေကိုလည်း နာမည်ကြီးတဲ့သူတွေ ခေါ်ရိုက်ထားတာကို တွေ့မြင်နိုင်မှာ ဖြစ်ပါတယ်။