Grave of the Fireflies

IMDb rating 8.5 တိတိရရှိထားတဲ့ ဒီ Grave of the Fireflies ဆိုတဲ့ဇာတ်ကားကို anime fan တိုင်း ကြားဖူးကြလောက်မှာပါ။ ဒီဇာတ်ကားမှာဆိုရင် ဒုတိယကမ္ဘာစစ်ရဲ့အကျိုးဆက်ဟာ ဂျပန်က အောက်ခြေလူတန်းစား ပြည်သူပြည်သားတွေအပေါ် ဘယ်လိုသက်ရောက်မှုရှိသလဲဆိုတာကို ရိုက်ကူးဖော်ပြပေးထားပြီးတော့ လက်တွေ့ဖြစ်ပျက်ခဲ့တာကို အခြေခံပြီး ရိုက်ကူးထားတာပဲဖြစ်ပါတယ်။ ဇာတ်ကားကိုတော့ အသက်ထွက်ပြီးတဲ့နောက် ဘဝတစ်ပါးမကူးခင်မှာ သူ့ဘဝရဲ့အဆိုးဆုံးအချိန်တွေကို ပြန်မြင်ယောင်တဲ့ပုံစံမျိုးနဲ့ သေလူတစ်ယောက်ရဲ့ရှုထောင့်ကနေ တင်ဆက်ပေးထားပြီးတော့ ထိုသေလူ လူငယ်လေး ဆဲတနဲ့ သူ့ညီမငယ်လေး ဆဲစုကိုတို့ရဲ့ စစ်ဘေးရှောင်ခရီးကို ရှုစားရမှာပဲဖြစ်ပါတယ်။ စစ်အတွင်း အောက်ခြေလူတန်းစားတွေ ဘယ်လောက်ခက်ခဲခဲ့ကြသလဲဆိုတာနဲ့ ခုတစ်မျိုး တော်ကြာတစ်မျိုး ပြောင်းလဲလွယ်လှတဲ့ လူတွေရဲ့စိတ်နေစိတ်ထားတွေကို ကွက်ကွက်ကွင်းကွင်းမြင်တွေ့ရမှာဖြစ်တဲ့အတွက် ကြည့်ရှုအားပေးကြပါဦးဗျ။