Ghost Ship

နာမည်မြင်လိုက်ရုံနဲ့ သရဲကားမှန်းလူတိုင်းတန်းသိကြမှာပါ သမားရိုးကျသရဲကားမှခွဲထွက်ပြီး ထူးထူးခြားခြားကြည့်ချင်တဲ့ပရိသတ်အတွက်တော့ ဇာတ်ကားကောင်း တစ်ကားပါပဲ ဇာတ်လမ်းက အစမှအဆုံး ကြည့်ရှုသူကို ရင်တဖိုဖိုနဲ့ခေါ်ဆောင်သွားမှာပါ။ Ghost Ship ဇာတ်ကားဟာ ၂၀၀၂ခုနှစ်မှာ ထွက်ရှိခဲ့တာဖြစ်ပြီး သဘာဝလွန် သရဲကားတစ်ကားပါ။ Rating ကလည်း IMDb 5.5/10 ရရှိထားတာပါ။ ပင်လယ်ထဲမှ ပိုင်ရှင်မဲ့သင်္ဘောတွေကိုဆယ်ယူတဲ့ ရှာဖွေရေး ကျွမ်းကျင်အဖွဲ့တစ်ဖွဲ့ဟာ ၎င်းတို့ခြောက်လကြာဆယ်ယူခဲ့ရတဲ့ သင်္ဘောတစ်စီးအတွက် ဘားတစ်ခုမှာ အောင်ပွဲခံနေတုန်း သူတို့ဆီကို လူငယ်လေးတစ်ယောက်ရောက်ရှိလာပြီး ထူးဆန်းတဲ့ ပင်လယ်ကူးသင်္ဘောစီးတစ်စီးအကြောင်း ပြောပြခဲ့ပါတယ်။ ထိုသင်္ဘောကြီးမှာ ကမ္ဘာပေါ်မှလူချမ်းသာများနှင့်သင်္ဘောသားများအပါအဝင် လူပေါင်း ၆၀၀ကျော်ကို တင်ဆောင်ပြီးနောက် သမုဒ္ဒရာအလယ်မှာအကြောင်းတစ်စုံတစ်ရာမရှိပဲထူးဆန်းစွာ ပျောက်ဆုံးသွားတာပါ။ ခေါင်းဆောင်မာဖီဦးဆောင်တဲ့ ရှာဖွေရေးအဖွဲ့နှင့် လူငယ်လေး တို့ဟာ ထိုသင်္ဘောကြီးကိုရှာဖွေဖို့ အပေးအယူသဘောတူညီပြီးနောက်မှာတော့ ပင်လယ်ပြင်သို့စတင်ထွက်ခွာလာပါတော့တယ်။ ထိုသင်္ဘောကြီးပေါ်ကို ရောက်ရှိသွားချိန်မှာတော့ သူတို့မျှော်လင့်ထားသလိုဖြစ်လာမလား ဘယ်လိုခြောက်ခြားမှုတွေ ထူးခြားဆန်းကြယ်မှုတွေနဲ့ ကြုံတွေ့ရမလဲ ပရိသတ်ကြီးက ဆက်လက် ကြည့်ရှုပေးပါဦးနော်…