Ghost Rider: Spirit of Vengeance

ဒီတစ်ခေါက် ပရိတ်သတ်ကြီးတို့ကို တင်ဆက်ပေးမှာကတော့ ၂၀၀၇ ခုနှစ်ကထွက်ရှိတဲ့ Ghost Rider ရဲ့အဆက်ဖြစ်တဲ့ Ghost Rider 2 ဇာတ်ကားပဲဖြစ်ပါတယ်။ အဆက်ဆိုပေမဲ့လည်း ရှေ့တစ်ကားကိုမကြည့်ထားဘဲ ဒါကိုအရင်ကြည့်လည်း နားလည်နိုင်တဲ့အနေအထားဖြစ်အောင်ရိုက်ပြထားပေမယ့်လို့ သေချာနားလည်အောင်ကြည့်ချင်တယ်ဆိုရင်တော့ ပထမဇာတ်ကားကို အရင်ကြည့်ပြီးကာမှ ဒီကားကိုကြည့်ဖို့ အကြံပေးပါရစေ။

ဇာတ်လမ်းရဲ့အစမှာ ကလေးငယ်လေးတစ်ယောက်ကို လူဆိုးတစ်သိုက်ကပြန်ပေးဆွဲပြီးခေါ်သွားတာကိုတွေ့ရမှာဖြစ်ပြီး ဒီကောင်လေးကိုကယ်တင်ဖို့တာဝန်ကတော့ ကျွန်တော်တို့ရဲ့ သရဲမောင်းနှင်သူကြီး ဂျွန်နီဘလိတ်ရဲ့လက်ထဲကိုရောက်ရှိလာပုံနဲ့အစပြုထားပါတယ်။ ဒီကလေးကိုကယ်ပေးရင် ဂျွန်နီဘလိတ်ရဲ့ကျိန်စာကိုဖျက်ပေးမယ်လို့ သဘောတူညီမှုနဲ့ကမ်းလှမ်းလာတဲ့အခါမှာတော့ ဂျွန်နီဘလိတ်တစ်ယောက်မငြင်းနိုင်တော့ဘဲ ကလေးကိုကယ်ဖို့လက်ခံလိုက်ရာကနေ ဒီကလေးနဲ့ ဂျွန်နီဘလိတ်မှာ ဆက်စပ်မှုတွေရှိလာပြီး ပြဿနာတွေစတင်လာပါတော့တယ်။ ဂျွန်နီတစ်ယောက် ပြဿနာတွေကြားထဲက ဒီကလေးကိုကယ်တင်နိုင်ပါ့မလား။ ဒီကလေးနဲ့သူကရော ဘယ်လိုဆက်နွယ်နေတာလဲ သူ့ရဲ့ကျိန်စာကြီးကိုရောပယ်ဖျက်လုပ်နိုင်မှာလားဆိုတာကို စူပါဟီးရိုးဇာတ်လမ်းပီပီ အက်ရှင်အလန်းစားတွေနဲ့ ရိုက်ပြထားတာမို့လို့ ဇာတ်ကားထဲမှာ ကိုယ်တိုင်သွားရောက်ရှုစားလိုက်ကြပါလို့။