First Love

2021 မှာ ပူပူနွေးနွေးထွက်ရှိထားတဲ့ ဂျပန်ဇာတ်လမ်းကောင်းလေးတစ်ပုဒ်ပါ ဇာတ်လမ်းရဲ့နာမည်က နူးညံ့တယ်ထင်ရသလောက် ဇာတ်လမ်းက တော့ ပါးစပ်အဟောင်းသားဖြစ်သွားစေမှာပါ ဇာတ်ညွှန်းလေးကတော့ ကိုယ့်ကိုယ်ကို နာကျင်အောင်လုပ်တဲ့နည်းနဲ့ စိတ်ထွက်ပေါက်ရှာတတ်တဲ့ စိတ်ပုံမှန်မဟုတ်တော့တဲ့ မိန်းကလေးငယ်‌လေးတစ်ယောက်ဟာ သူမရဲ့အကျင့်ကို ဖျောက်ဖျက်လိုမရတဲ့အဆုံး အဖေဖြစ်သူကိုပါ သတ်မိတဲ့ အထိ ဖြစ်သွားခဲ့ရပါတယ်။ ဒီအမှုကို ကိုင်တွယ်ဖြေရှင်းမယ့် ရှေ့နေမင်းသားနဲ့ငယ်စဉ်ဘဝက အဲ့လိုအလားတူဖြစ်ရပ်မျိုးကြုံခဲ့ရတဲ့ စိတ်ပညာရှင် မင်းသမီးတိုက အမှုရဲ့နောက်ကွယ်က အမှောင်ထုကို ဖော်ထုတ်ဖို့ ဖြစ်လာခဲ့ပါတယ်။ရှေ့နေမင်းသားနဲ့ စိတ်ပညာရှင် မင်းသမီးတိုက မတ်နဲ့ မရီး ဆက်ဆံရေးမျိုးဆိုပေမယ့် တက္ကသိုလ်ဘဝတုန်းက တည်းခိုခန်းထဲရောက်တဲ့အထိ ဆက်ဆံရေးမျိုး ရှိခဲ့တာပါ။ ဒါပေမယ့် မင်းသမီးက ရှေ့နေကို မရွေးချယ်ခဲ့ဘဲ ရှေ့နေရဲ့အစ်ကိုဖြစ်သူ ဓာတ်ပုံဆရာကိုသာ လက်ထပ်သွားခဲ့ရတဲ့အကြောင်းက ဘာများဖြစ်မလဲဆိုတာ၊ စိတ်ပညာရှင် မင်းသမီးရဲ့ အဖေက သမီးမိန်းကလေးမွေးထားပါလျက်နဲ့သူများသားသမီးကို အပျော်ကြံပျော်ပါးနှာထတတ်တာကိုသိသွားရတဲ့ စိတ်ပညာရှင် မင်းသမီးလေး ခမျာ ဘယ်လိုမျိုးဘဝကို ကြိတ်မှတ်သည်းခံပြီး ကြိုးစားရှင်သန်ခဲ့ရလဲဆိုတာ၊အဖေဖြစ်သူကို သတ်မိသွားတဲ့မိန်းကလေးငယ်လေးတစ်ယောက် ရဲ့နောက်ကွယ်က ကျောချမ်းစရာအမှောင်ထုက ဘာတွေများ ရှိနေမလဲဆိုတာတွေကို ကြည့်ရူ‌ခံစားရမှာပဲဖြစ်ပါတယ်။ ဒီဇာတ်လမ်းက လျှို့ဝှက်ဆန်းကြယ်တဲ့ အမျိုးအစားဆိုပေမယ့် ကြည့်တဲ့သူတိုင်းကို နားလည်ရလွယ်စေပြီး ပညာသားပါတဲ့မက်ဆေ့ခ်ျတစ်ခုကိုလည်း ပေးထား တာကို ဇာတ်လမ်းရဲ့အဆုံးသတ်မှာ ခံစားမိလာပါလိမ့်မယ်။ IMDb 6.1 ထိ‌ရရှိထားတဲ့ မင်းသမီးချော Keiko Kitagawa ရဲ့ပီပြင်လွန်းတဲ့ သရုပ်ဆောင်ချက်တွေကို တွေ့မြင်ရမှာပဲဖြစ်ပါတယ်။

အထဲမှာ Adult အပိုင်းလေးတွေပါဝင်နေတဲ့အတွက် မိသားစုနဲ့အတူတူ ကြည့်ရှုရန်မသင့်တော်ပါ….