Fireheart

ဒီဇာတ်ကားလေးက ကျား၊ မ ခွဲခြားခံထားရတဲ့ လူမှုအဖွဲ့အစည်းမှာ မိန်းကလေးတွေလည်း ယောက်ျားလေးတွေနဲ့ တန်းတူအခွင့်အရေး ရသင့်တယ် ဆိုတာကို အသားပေး ရိုက်ကူး ပုံဖော်ထားပါတယ်။ ဒီဇာတ်လမ်းမှာတော့ အဖေဖြစ်သူရဲ့ သွေးတွေ အပြည့်အဝ ပါနေတဲ့ ဂျော်ဂျာလေးက သူ့အဖေလို မီးသတ်သမားဖြစ်လာဖို့ အိမ်မက်ကို အကောင်အထည်ဖော်ဖို့ ဖြစ်လာတဲ့အခါ ကျား၊ မ ခွဲခြားခံရတဲ့သူမဟာ အဖွဲ့အစည်းရဲ့ စံနှုန်းတွေကို ဘယ်လိုပြောင်းလဲပစ်မလဲ၊ အဖေကိုယ်တိုင်က သမီးကို မီးသတ်သမား ဖြစ်ခွင့်မပေးတာ ဘာကြောင့်လဲ၊ မိန်းကလေးဆိုတိုင်း အားနည်းတာလား၊ ဖြစ်ချင်တာ ဖြစ်ခွင့်မရှိဘူးလား၊ ဒါတွေကို ဂျော်ဂျာ ဘယ်လိုကျော်ဖြတ်သွားမလဲဆိုတာ ဒီဇာတ်လမ်းမှာ ရိုက်ကူးထားပါတယ်။ အသက် ၁၆ နှစ်အရွယ် မိန်းကလေး ဂျော်ဂျာက မီးသတ်သမားဟောင်းဖြစ်တဲ့ သူမရဲ့ အဖေလိုမျိုး မီးသတ်သမားကောင်း တစ်ယောက် ဖြစ်လာဖို့ ငယ်ငယ်လေးကတည်းက အိမ်မက်မက်ခဲ့ပါတယ်။ ဒါပေမဲ့ မိန်းကလေးဆိုတာ ဒီလိုအန္တရာယ်များတဲ့အလုပ် လုပ်ဖို့ အားနည်းလွန်းတယ် ဆိုပြီးပြောတဲ့ အဖေဖြစ်သူရဲ့ စကားတွေနဲ့ ကြီးပြင်းလာတဲ့ ဂျော်ဂျာလေးဟာ လူမှုစံနှုန်းတွေကို ပြောင်းလဲပစ်ဖို့ ကြိုးစားပါတယ်။ သူဟာ ပထမဆုံး မီးသတ်သမလေး ဖြစ်လာနိုင်တယ်ဆိုပြီး သူ့အဖေရဲ့အဖွဲ့သစ်ထဲကို ယောက်ျားလေးတစ်ယောက်လို အယောင်ဆောင်ဝင်ပြီး အစွမ်းပြဖို့ စဉ်းစားခဲ့တဲ့အခါ ဘယ်လိုဆက်ဖြစ်မလဲဆိုတာ ဒီဇာတ်လမ်းမှာ ကြည့်ရှုအားပေးကြပါဦးနော်။