Fight For Love

ဒီဇာတ်ကားလေးဟာဆိုရင် ကျွန်တော်တို့ ရွှေပန်းသီးပေ့ချ်မှာ ဇာတ်လမ်းတိုလေးတွေ တင်ဆက်နေတဲ့ မော်ကူထိုတို့အဖွဲ့က ရိုက်ထားတဲ့ ဇာတ်ကားလေးပဲ ဖြစ်ပါတယ်။ ဒီဇာတ်လမ်းလေးကို သူတို့အဖွဲ့က လူတွေအားလုံး ပါဝင်သရုပ်ဆောင်ထားပြီးတော့ လူတော်တော်များများလည်း အားဖြည့် သရုပ်ဆောင်ထားပါတယ်။ သူတို့အဖွဲ့ သရုပ်ဆောင်တာ ဘယ်လောက်ပြောင်မြောက်လဲ ဆိုတာကို သူတို့ ဇာတ်လမ်းတွေ ကြည့်ဖူးတဲ့ ပရိသတ်တွေကတော့ သိပြီးသား ဖြစ်မှာပါ။ အဲ့တော့ ကျွန်တော် ပြောချင်တာက သူတို့ရဲ့ ဇာတ်လမ်းတိုလေးတွေ ကြည့်ဖူးတဲ့သူဖြစ်စေ မကြည့်ဖူးတဲ့သူ ဖြစ်စေ ကြည့်ရှုခံစားကြည့်ဖို့ တိုက်တွန်းလိုက်ပါရစေ။ ဘာလို့လဲဆိုတော့ ဇာတ်ကားလေးက အတော်လေး ကောင်းလို့ပါ။ ဇာတ်ကားလေးက ပြောရရင် ရယ်မောစရာလေးတွေ ပျော်ရွှင်စရာလေးတွေ ဝမ်းနည်းစရာလေးတွေကို အချိုးကျ ပေါင်းစပ်ထားလို့ပါ။ ဇာတ်လမ်းအကျဉ်း အနေနဲ့ကတော့ မော်ကူထိုက ခေါင်းဆောင်မင်းသား ရန်ရွှမ်းရှီအနေနဲ့ သရုပ်ဆောင်ထားပြီး အဖိုးမေက သူ့ရဲ့ အဖိုး ရန်ကော်ချန် အနေနဲ့ သရုပ်ဆောင်ထားပါတယ်။ ပြောရရင် သူတို့နှစ်ယောက်နဲ့ ဇာတ်အိမ်တည်ထားတာပါ။ သူ့အဖိုး ရန်ကော်ချန် လွန်ခဲ့တဲ့ နှစ် ၃၀ က လက်လွှတ်ခဲ့ရတဲ့ ချန်ပီယံဖလားကို သူတို့မြေးအဖိုးတို့တွေ ဘယ်လိုမျိုး ပြန်ယူကြမလဲဆိုတာ ဇာတ်လမ်းဇာတ်ကွက် အလှည့်အပြောင်းလေးတွေ ဆင်ပြီး ရိုက်ကူးထားတာပါ။ ထပ်ဆောင်းပြောရရင် အားလုံးရဲ့ အချစ်တော် ချိုချို လဲ့မွန် မီရှမ်းအပြင် တခြား အချောအလှလေးတွေပါ ထည့်ထားပါသေးတယ်။ အဲ့တော့ ပရိသတ်အားလုံး မလွတ်တမ်း ကြည့်ရှုခံစားဖို့ တိုက်တွန်းလိုက်ပါရစေ