Elves in Changjiang River

ဒီတစ်ခါ တင်ဆက်ပေးမှာကတော့ 2022 မှာမှ အသစ်ထွက်ထားတဲ့ ကားသစ်လေးတစ်ကားပါ။ IQYI rating 9.1 ထိ ရထားတဲ့ ကားလေးဖြစ်ပါတယ်။ Main lead တွေ က လူသစ်လေးတွေ ဖြစ်ပေမဲ့လို့ Supporting Role တွေကတော့ နာမည်ကြီး တရုတ်သိုင်းကား တွေမှာ ပါတဲ့ သူတွေ သရုပ်ဆောင်ထားကြတာပါ။ Virtual effect တွေလည်း နောက်ပိုင်းတွေမှာ အတော်လေးကြည့်လို့ အဆင်ပြေလာပါတယ်။ ချန်ကျန်း တဖြစ်လည်း ရန်ဇီမြစ်ဟာ ကမ္ဘာပေါ်မှာ တတိယအရှည်ဆုံးမြစ်ဖြစ်ပြီး အာရှရဲ့ အရှည်လျားဆုံးမြစ်လည်း ဖြစ်ပါတယ်။ မြစ်ရိုး တစ်လျှောက်မှာလည်း ထူးခြားဆန်းပြားတဲ့ နေရာတွေလည်း အများအပြားရှိပါသေးတယ်။ ထိုနည်းတူပဲ ရှေးယခင်တုန်းက မြစ်ထဲမှာ တရားကျင့်ကြံအားထုတ်နေတတ်ကြတဲ့ ကဝေတွေ မိစ္ဆာတွေလည်း ရှိတယ်လို့ အယုံအကြည်ရှိကြပါတယ်။ ဒီကားလေးမှာလည်း မြို့တော်ကို စာပေးပွဲ ဖြေဖို့သွားတဲ့ အဓိက ဇာတ်ကောင် စွေးရန် ဟာ ချန်ကျန်မြစ်မှာ ကဝေပျိုမလေး ကျန်းရှောင်ယွီ နဲ့ တွေ့ရာကနေ ဇာတ်အိမ်ကို အစပြုထားပါတယ်။ ပြီးတော့ စွေးရန်နဲ့ ငယ်ငယ်တည်းက စေ့စပ်ထားတဲ့ တုန်ဖန်းရှောင်ရွမ် ဆိုသူလေးကတော့ မိစ္ဆာဖမ်းဆရာမ ချောချော လေးဖြစ်ပြီး မိစ္ဆာလည်း ဖမ်းသလို ဟော့ပေါ့ဆိုင်ဖွင့်ပြီး ဟော့ပေါ့လည်း ရောင်းပါသေးတယ်။ စိတ်ကောင်းရှိတဲ့ ကဝေမလေး ရှောင်ယွီ ရဲ့ ကိုယ်ထဲမှာ တကယ်တော့ မကောင်းဆိုးဝါးမိစ္ဆာငါးကြီး ဟုန်ထန်း က ဝင်ရောက်ပူးကပ်နေပါတယ်။ ဟုန်ထန်းဟာ ကဝေပျိုလေးရဲ့ ရုပ်ရည်ကို အသုံးချပြီး လူတွေရဲ့ ဦးနှောက်နဲ့ နှလုံးသားတွေကို စားသုံးကာ သူ့အတွက် အင်အားကြီးထွားလာအောင် လုပ်နေတာပါ။ ဒီဇာတ်လမ်းလေး မှာတော့ စွေးရန် နဲ့ ကဝေပျိုမလေးတို့ကြားက အချစ်ဇာတ်လမ်းတွေနဲ့ မိစ္ဆာဖမ်းဆရာမလေးတို့ကြား ဘာတွေဖြစ်ပျက်ကြမလဲ… မကောင်းဆိုဝါးမိစ္ဆာကြီးကို ဘယ်လိုပူးပေါင်းနှိမ်နင်းကြမလဲ… သူတို့တွေကြားမှာရော ဘာတွေ ဖြစ်ပျက်ကြဦးမလဲ ဆိုတာတွေကို ကြည့်ရှု ခံစားကြရမှာ ဖြစ်ပါတယ်။