Doctor Strange in the Multiverse of Madness

ဒီတစ်ခါမှာတော့ ရွှေပန်းသီးပရိသတ်ကြီးတို့ကို နောက်ဆုံးထွက် MCU ရဲ့ဇာတ်ကားသစ်ဖြစ်တဲ့ Dr. Strange in the Multiverse of Madness ဇာတ်ကားလေးနဲ့ မိတ်ဆက်ပေးပါရစေနော်။ ဇာတ်လမ်းအကျဉ်းကတော့ ငါးနှစ်ကြာပျောက်ကွယ်ပြီး ပြန်ပေါ်အလာ Spider-Man No Way Home က ဖြစ်ရပ်တွေအပြီးမှာ ဒေါက်တာစထရိန့်ဂ်ျဟာ ချစ်ရသူရဲ့မင်္ဂလာပွဲကိုတက်ရင်း ကလေးမလေးတစ်ယောက်ကို မိစ္ဆာကြီးတစ်ကောင်က လိုက်လံဖမ်းဆီးနေတာကိုမြင်လို့ ဝင်ကယ်ရင်းနဲ့ ထူးဆန်းစွာသိရှိလိုက်ရတာက ကောင်မလေးက သူ့မက်နေတဲ့အိပ်မက်ဆိုးထဲကကောင်မလေးဖြစ်နေတာကိုပါ။ ဒါပေမဲ့ တကယ့်အမှန်တရားကတော့ ဒီကောင်မလေးဟာ အနန္တစကြဝဠာတွေကိုကူးသန်းနိုင်စွမ်းရှိသူဖြစ်ပြီး သူအိပ်မက်အဖြစ် မြင်မက်ခဲ့ရတာတွေကလည်း အိပ်မက်မဟုတ်ဘဲ တခြားစကြဝဠာက သူကိုယ်တိုင်ပဲဖြစ်နေပါတယ်။ ကောင်မလေးပိုင်ဆိုင်ထားတဲ့စူပါပါဝါက အင်အားကြီးလွန်းတာကြောင့် သူ့စွမ်းအားကိုလုယူချင်တဲ့ မသမာသူတစ်ယောက်က လိုက်လံဖမ်းဆီးနေတာဖြစ်တာကြောင့် ဒေါက်တာစထရိန့်ဂ်ျဟာ ကောင်မလေးကယ်တင်ဖို့ မှော်ပညာကိုစွန့်လွှတ်ပြီး ဘဝကိုအေးအေးဆေးဆေးဖြတ်သန်းနေတဲ့ စကားလက်ဝှစ်ခ်ျဆီမှာ သွားအကူအညီတောင်းခဲ့ပါတယ်။ ဒီမှာပဲ ဇာတ်လမ်းအလှည့်အပြောင်းကရောက်ရှိလာပြီး ဒေါက်တာစထရိန့်ဂ်ျနဲ့ စကားလက်ဝှစ်ချ်တို့ရဲ့ အပြိုင်အဆိုင်သရုပ်ဆောင်မှုတွေနဲ့အတူ MCU ကားကောင်းတစ်ကား ဖြစ်လာပါတော့တယ်။ ဇာတ်ကားက IMDB rating အနေနဲ့လည်း ထွက်ထွက်ချင်းမှာတင် 7.3 ထိ ရရှိထားတာမို့ အထူးတလည် ညွှန်းနေစရာမလိုတော့ပါဘူးနော်။ MCU fan တွေအတွက်ရွှေပန်းသီးပေ့ခ်ျကနေ အရင်ဇာတ်ကားဟောင်းတွေကိုပါ ဘာသာပြန်တင်ဆက်ပေးဦးမှာမို့ Page လေးကို Like လုပ်ပြီး ဇာတ်ကားကောင်းလေးတွေ လာရောက်ကြည့်ရှုအားပေးဖို့ ဖိတ်ခေါ်ရင်း နောက်ဆုံးထွက်ကားလေးကိုလည်း ကြည့်ရှုခံစားလိုက်ကြပါဦးရှင်။