Despicable Me 2

Despicable Me 2 ဟာဆိုရင် the Best Animated Flim Oscar ရရှိထားတဲ့ ဇာတ်ကားဖြစ်တဲ့အပြင် IMDb rating 7.3 အထိရရှိထားပြီး ကလေး၊ လူကြီး၊ လူငယ်မရွေး လူကြိုက်အရမ်းများခဲ့တဲ့ ဇာတ်ကားလေးပဲဖြစ်ပါတယ်။ ဒီတစ်ခါမှာတော့ အကြင်နာတရားမဲ့သူကြီး ဂရူးဟာ သူမွေးစားခဲ့တဲ့ ကလေးမလေး ၃ ယောက်ကြောင့် ပြောင်းလဲသွားခဲ့ပါပြီ။ အဲ့ဒီကလေးမလေး ၃ ယောက်ကို ပြုစုပျိုးထောင်ဖို့အတွက် ဖခင်တစ်ယောက်အနေနဲ့ ဂရူးက သူ့ရဲ့ဗီလန်ဘဝကြီးကို စွန့်လွှတ်ပစ်ခဲ့ပါတယ်။ တစ်နေ့မှာတော့ ဗီလန်ပပျောက်ရေးအဖွဲ့ချုပ် (AVL) က ဖော်ထုတ်ရခက်နေတဲ့ ဗီလန်တစ်ယောက်ကို ဖမ်းပေးဖို့အတွက် ဂရူးဆီကို အလုပ်ကမ်းလှမ်းလာခဲ့ပါတယ်။ ဂရူးဟာ အဲ့ဒီအလုပ်ကို AVL က အေးဂျင့်တစ်ယောက်ဖြစ်တဲ့ လူစီနဲ့အတူ တွဲလုပ်ခဲ့ပါတယ်။ အဲ့ဒီနောက်မှာ ဂရူးနဲ့ လူစီတို့ သံယောဇဉ်တွေတွယ်ပြီး ဘယ်လိုတွေဆက်ဖြစ်ကြမလဲ။ ဂရူးတစ်ယောက် အမှုဖြေရှင်းရင်း ဘယ်လိုအခြေအနေတွေကို ရင်ဆိုင်သွားရမလဲ ဆိုတာကို အမိုက်စား animation တွေနဲ့ တစ်ဝကြီး ခံစားကြည့်ရှုရမှာဖြစ်ပါတယ်။ ချစ်စရာကောင်းတဲ့ မီနီယမ်လေးတွေနဲ့ ဟာသဆန်ဆန်လေးတွေ ရောနှောထားတာကြောင့် ဘဝအမောတွေကိုပြေပျောက်စေမှာ အမှန်ပါပဲ။ ဒါကြောင့် များများစားစားပြောမနေတော့ပါဘူး။ လက်မလွှတ်ဘဲ ကြည့်ဖူးသင့်တဲ့ဇာတ်ကားဖြစ်တာမလို့ အခုပဲခံစားကြည့်ရှုလိုက်ကြပါနော်။