Deadpool

ကဲ ဒီတစ်ခါတော့ ၂၀၁၆ ခုနှစ်လောက်က နာမည်ကြီးခဲ့တဲ့ Deadpool ဆိုတဲ့ ဇာတ်ကားလေးကို တင်ဆက်ပေးသွားပါမယ်။ အားလုံးသိကြတဲ့အတိုင်း မျက်နှာပြောင်လှတဲ့ Deadpool က ဇာတ်လမ်းစလာတည်းကကို မျက်နှာပြောင်တာပါ။ ဒါ့ကြောင့် သေချာတာကတော့ ဒီဇာတ်ကားကိုကြည့်တဲ့သူကပျင်းမှာမဟုတ်ပါဘူး။ ဇာတ်လမ်းအစမှာတော့ Deadpool က ဖရန့်စစ်ဆိုတဲ့ ရန်သူတော်ကြီးကိုလိုက်ရှာနေတာနဲ့ အစပြုထားပါတယ်။ ဒီလိုနဲ့ သူဖရန့်စစ်ကို အပူတပြင်းလိုက်ရှာနေရတဲ့ အကြောင်းကိုပြန်ပြောင်းပြောပြနေရင်း ဇာတ်အိမ်ကိုတည်ထားပါတယ်။

အစက သူ Deadpool ရယ်လို့မဖြစ်ခင်က ဝိတ်ဝဲလ်ဆွန်ဆိုတဲ့ ကြေးစားလူမိုက်လေးဖြစ်ခဲ့တာပေါ့။ ဒီလိုနဲ့ ပျော်ပါးနေတဲ့ လူမိုက်ကြီးဝိတ်ဝဲလ်ဆွန်ရဲ့ဘဝထဲကို ကောင်မလေးတစ်ယောက်ရောက်ရှိလို့လာပါတော့တယ်။ ကောင်မလေးနဲ့ လူမိုက်ကြီးတို့အရမ်းကိုချစ်နေကြပြီး ဘဝသစ်ထူထောင်မယ်လို့ ဆုံးဖြတ်တဲ့အချိန်မှာပဲ သူ့ကို Deadpool ရယ်လို့ ဖြစ်လာစေမဲ့ ဖြစ်ရပ်ဆိုးကြီးဝင်လာပါတော့တယ်။ ဒီဖြစ်ရပ်ဆိုးကြီးကရော ဘာများဖြစ်မလဲ Deadpool ရဲ့ မျက်နှာကရော လှတပတလေးကနေ ဒီလောက် အထိဆိုးဝါးသွားခဲ့ရတာလဲ… ဖရန့်စစ်ကရော Deadpool နဲ့ ဘယ်လိုမျိုး ရန်သူဖြစ်လာရတာလဲဆိုတာကို ဒီဇာတ်ကားလေးထဲမှာ ဟာသဆန်ဆန်သရုပ်ဆောင်ချက်တွေနဲ့ အလန်းစားအက်ရှင်တွေကို တွေ့မြင်ရမှာမို့ လက်မလွှတ်တမ်းကြည့်ရှုလိုက်ကြပါ။