Dark Glasses

Thriller ရုပ်ရှင်ကြိုက်သူတွေအတွက် ကြည့်ရတာ တန်စေမဲ့ Dark Glasses ဆိုတဲ့ အီတာလျံရုပ်ရှင်လေးကို ညွှန်းပေးချင်ပါတယ်။ ရုပ်ရှင်ရဲ့ ခေါင်းစဉ်ဖြစ်တဲ့ Dark Glasses ကတော့ မျက်မမြင်တွေ တပ်တတ်ကြတဲ့ နေကာမျက်မှန်အနက်ရောင်ကို ရည်ညွှန်းထားတာပဲဖြစ်ပါတယ်ဗျ။ ကြေးစားညဉ့်ငှက်မလေးတွေကို သတ်ဖြတ်နေတဲ့ ကွင်းဆက်လူသတ်သမားတစ်ယောက်ဟာ ရောမမြို့ကြီးမှာ လွတ်မြောက်လို့နေပါတယ်။ ရဲတွေအတွက်လည်း လူသတ်သမားဟာ ဗန်ကားတစ်စီးနဲ့ ရောက်လာတယ်ဆိုတာကလွဲလို့ ဘာသဲလွန်စမှ ရှိမနေခဲ့ပါဘူး။ အဲ့ဒီလို ခြေရာ ပျောက်နေတဲ့ လူသတ်သမားကို အကြောင်းတစ်ခုကြောင့် အမြင်အာရုံကွယ်သွားရတဲ့ ကြေးစားညဉ့်ငှက်မလေးနဲ့ အသက် ၁၀ နှစ်ဝန်းကျင် အရွယ် တရုတ်ကောင်လေးတစ်ယောက် အတူပေါင်းပြီး ရင်ဆိုင်ကြပုံကို ဒီအနက်ရောင်မျက်မှန်ဆိုတဲ့ ရုပ်ရှင်ထဲမှာ ရင်တထိတ်ထိတ် တွေ့မြင်ခံစားရမှာပဲဖြစ်ပါတယ်။