Dark Flight

ဒီတစ်ခါမှာတော့ ပရိတ်သတ်ကြီးတို့ကို နာမည်ကြီးသရဲကားကောင်းလေး တစ်ကားဖြစ်တဲ့ Dark Flight 407 ဆိုတဲ့ကားလေးတစ်ကားကို တင်ဆက်ပေးပါရစေ။ ဒီဇာတ်ကားရဲ့ ဇာတ်လိုက်ကျော် လေယာဉ်နံပတ် 407 ဟာ တစ်ခါကပျံသန်းရင်း ထူးဆန်းစွာနဲ့ လေယာဉ်မယ်လေးတစ်ယောက်ကလွဲရင် ပါလာတဲ့လူတွေအကုန် သေဆုံးကုန်တဲ့ဖြစ်ရပ်ဆန်းနဲ့ ကြုံတွေ့ခဲ့ရတာကြောင့် ဆက်လက်ပျံသန်းခြင်းမပြုဘဲ ရပ်နားထားတဲ့ လေယာဉ်ဟောင်းကြီးဖြစ်ပါတယ်။ ဒါပေမဲ့လည်း သက်ဆိုင်ရာလူကြီးတွေက လေယာဉ်ကို ပြုပြင်ဆေးသုတ်ပြီး တဖန်ပြန်လည်ပြေးဆွဲဖို့ စီစဉ်ခဲ့ပါတယ်။ တိုက်ဆိုင်စွာနဲ့ အဲဒီလေယာဉ်ခရီးစဉ်မှာ လိုက်ပါမဲ့လေယာဉ်မယ်ခေါင်းဆောင်က တစ်ခါက ဆန်းကြယ်စွာနဲ့ အသက်ရှင်လွတ်မြောက်ခဲ့တဲ့ လေယာဉ်မယ်လေးနျူ ဖြစ်နေခဲ့ပါတယ်။ ဒီလိုနဲ့ ပျံသန်းရင်း လမ်းတစ်ဝက်အရောက်မှာ အရင်ကလို အလားတူဖြစ်ရပ်ဆန်းတွေ ကြုံလာရတဲ့အခါ လေယာဉ်ပေါ်ကလူတွေအနေနဲ့ အသက်ရှင်လွတ်မြောက်ဖို့ ဘယ်လိုကြိုးစားကြမလဲ။ လေယာဉ်ပေါ်က သရဲတွေရဲ့ အငြှိုးအတေးက ဘာဖြစ်နေလိမ့်မလဲ။ လေယာဉ်မယ်လေးနျူကရော နောက်တစ်ကြိမ်ထပ်ပြီး ကံကောင်းနိုင်မလားဆိုတာကို ဒီဇာတ်ကားလေးမှာ ကြည့်ရှုခံစားပေးကြပါဦးနော်။