Cliff Walkers

ဒီစုံထောက်ကားလေးက 2021 April ကမှထွက်ရှိထားပြီး rating 6.9 ရထားပါတယ်။ ဆိုဗီယက်ပြည်ထောင်စုက စုံထောက် ၄ ယောက်ဟာ ဟားပင်းနယ်မှာ စစ်ဆင်ရေးတစ်ခုလုပ်ဆောင်ဖို့ တာဝန်ပေးအပ်ခံရပါတယ်။ သူတို့ ၄ ယောက်က ဟားပင်း မရောက်ခင်စပ်ကြားမှာ ရန်သူ့ တပ်တွေရဲ့ဖမ်းဆီးခံရနိုင်တာမို့ နှစ်ဖွဲ့ခွဲသွားခဲ့ကြတယ်။ လောင်ကျန်းနဲ့ ရှောင်လန်ကတစ်ဖွဲ့၊ ချူလန်နဲ့ဝမ်ရိကတစ်ဖွဲ့ သူတို့လေးဦးလုံး ဟားပင်းမှာ ပြန်ဆုံပြီးစစ်ဆင်ရေးလုပ်ကြမှာပါ။ ဒါပေမဲ့ အထူးတပ်ဖွဲ့မှာတာဝန်ကျတဲ့ လျှို့ဝှက်ထောက်လှမ်းရေးမှူးတစ်ယောက်က သူတို့ကိုသစ္စာဖောက်ပြီး ရန်သူ့တပ်ဆီမှာသတင်းပေးလိုက်တယ်။ အဲ့လိုသစ္စာဖောက်ခံရတဲ့အခါ သူတို့ရဲ့ခရီးစဉ်ဟာ အန္တရာယ်တွေများလာတော့မှာပါ။ အထက်က လွှတ်တယ်ဆိုပြီး သူလျှိုတွေက လာပူးပေါင်းကြမယ်၊ သူတို့အချင်းချင်းဆက်သွယ်မယ့် စကားဝှက်တွေကိုပြောင်းပစ်ပြီး ထောင်ချောက်ဆင် ဖမ်းတာတွေ၊ သူတို့ရဲ့စစ်ဆင်ရေးကိုတားနိုင်ဖို့ နည်းမျိုးစုံနဲ့စစ်မေးတာတွေလုပ်ကြတယ်။ တစ်ဖက်က ရန်သူ့တပ်ထဲမှာလည်း သူတို့ကိုကူညီ နိုင်မယ့် ကွန်မြူနစ်စုံထောက်တစ်ယောက်ရှိနေပါတယ်။ ဒီစစ်ဆင်ရေးဟာ အဲ့ဒီကွန်မြူနစ်စုံထောက်ရဲ့ အကူအညီပါမှပဲ ပြီးမြောက်နိုင်တော့မှာ ဆိုတော့ သူတို့ရဲ့စစ်ဆင်ရေးဟာ သစ္စာဖောက်တစ်ယောက်ကြောင့် ဘယ်လောက်တောင် အန္တရာယ်များလိုက်မလဲ? ဘယ်သူတွေက အသက်ပါ စွန့်ရမလဲ? ဆိုတာကို စိတ်လှုပ်ရှားဖွယ်ကြည့်ရင်းနဲ့ ဇာတ်ရှိန်မြှင့်တက်လာမယ့် ကားကောင်းလေးဖြစ်ပါတယ်