Charlie and the Chocolate Factory

မင်းသားကြီးဂျော်နီဒက် အရွယ်ကောင်းစဉ်ကရိုက်ခဲ့တဲ့ ဇာတ်ကားတဖြစ်လဲ ကျွန်တော်တို့ငယ်ငယ်က အရမ်းကြိုက်ခဲ့ကြတဲ့ ချာလီနဲ့ချောကလက်စက်ရုံကြီးဇာတ်ကားကို တစ်ခါပြန်ကြည့်လိုက်ကြရအောင်။ ဇာတ်လမ်းကိုအကျဉ်းညွှန်းပြောရရင် ဝီလီဝမ်းကာဆိုတာ နာမည်ကြီးသကြားလုံးထုတ်လုပ်သူတစ်ယောက်ပေါ့။ အောင်မြင်လွန်းလို့ ကမ္ဘာ့အကြီးဆုံး ချောကကလတ်စက်ရုံကြီးကို ထူထောင်နိုင်ခဲ့ပေမဲ့ အလုပ်သမားတချို့ရဲ့သစ္စာဖောက်မှုတွေကြောင့် သူ့စက်ရုံကိုလုံးဝပိတ်ပစ်လိုက်ပြီး သူကိုယ်တိုင်လည်းစက်ရုံထဲကနေ လုံးဝထွက်မလာတော့ပါဘူး။ တစ်နေ့ကျ ရုတ်တရက်ကြီး ဝီလီဝမ်းကာဟာ ကြေညာချက်တစ်ခုကိုထုတ်ပြန်ခဲ့တယ်။ သူ့အနေနဲ့ သူ့ရဲ့ဝမ်းကာချောကလတ်ချောင်းတွေထဲမှာ ရွှေလက်မှတ်ငါးစောင်ကိုထည့်ထားပြီး အဲဒီရွှေလက်မှတ်တွေကိုရရှိတဲ့ ကလေးငါးယောက်ကို သူ့စက်ရုံကြီးဆီလည်ပတ်ခွင့်ပေးမယ့်အပြင်ကို ကလေးငါးယောက်ထဲကတစ်ယောက်ကိုလည်း အထူးဆုကြီးတစ်ဆုပေးဦးမှာဆိုပြီးတော့ပေါ့။ လည်ပတ်ခွင့်ရမဲ့ကလေးငါးယောက်က ဘယ်လိုကလေးတွေများဖြစ်ကြမလဲ။ အလုပ်သမားမရှိတဲ့ ကမ္ဘာအကြီးဆုံးချောကလက်စက်ရုံကြီးကရော ဘယ်လိုများလည်ပတ်နေသလဲ။ အထူးဆုဆိုတာကကော ဘာကိုဆိုလိုတာလဲ။ ဘယ်သူက အထူးဆုကြီးကိုရသွားမလဲဆိုတာတွေကို သိချင်ရင် ကြည့်သာကြည့်လိုက်တော့ဗျာ။ ဟာသလေးတွေ ခနဲ့ချက်လေးတွေနဲ့ ရယ်ရယ်မောမောကြည့်ရှုရမှာဖြစ်တဲ့အပြင် ကိုယ့်သားသမီးတွေကို အလျှော့ပေးလွန်ပြီး အလိုလိုက်မိနေတဲ့လူကြီးတွေအတွက် ကလေးကိုဆုံးမတဲ့နေရာမှာ ပညာယူစရာလေးတွေပါတာမလို့ အချိန်ပေးရကျိုးနပ်စေမဲ့ကားလေးပါ။