Blue Bayou

ဒီ ဒရမ်မာကားလေးက အမေရိကန်မှာ မွေးစားခံရတဲ့ ကိုရီးယားလူမျိုးတစ်ယောက်ရဲ့ဘဝကို ရိုက်ကူးထားပြီး rating 7.1 ရထားပါတယ်။ ဒါရိုက်တာ Justin Chon က သူတွေ့ရှိခဲ့ရတဲ့ အမေရိကန်ရောက်‌ တောင်ကိုရီးယားနိုင်ငံသားတစ်ယောက်ရဲ့့ဖြစ်ရပ်မှန် မိသားစုဘဝလေးကို ကိုယ်တိုင်သရုပ်ဆောင်ထားတာပါ။ အန်တိုနီရိုဟာ အမေရိကန်မှာ မွေးစားခံရပေမယ့် သူ့ဘဝက မစိုပြေခဲ့ပါဘူး။ သူဟာ တက်တူး ထိုးဆရာ အဖြစ်အသက်မွေးပြီး ဇနီးသည်ကက်တီ၊ ဇနီးဖြစ်သူရဲ့သမီးလေးဂျက်စီတိုနဲ့အတူနေထိုင်ပါတယ်။ ဇနီးဖြစ်သူက သူ့သမီးလေးကို ကိုယ်ဝန်ဆောင်နေချိန်ဖြစ်တဲ့အတွက် ငွေပိုရှာဖို့လိုလာပါတယ်။ တစ်ချိန်တည်းမှာပဲ သူဟာ အမေရိကားမှာ တရားမဝင်နေထိုင်တာဖြစ်လို ပြည်နှင်ဒဏ်ပေးခံရမယ့်အရေး ကြုံရတဲ့အခါ တရားရင်ဆိုင်ဖိုဖြစ်လာခဲ့တယ်။ ရှေ့နေခအတွက် ငွေရှာဖို အန်တိုနီရိုဟာ သူ့ရဲ့လုပ်ဖော်ကိုင်ဖက် ဟောင်းတွေဆီ ပြန်သွားပြီး ပြစ်မှုတွေ ထပ်ကျူးလွန်ပါတော့တယ်။ အန်တိုနီရိုတစ်ယောက် မိသားစုနဲ့ မခွဲခွာရဖိုကြိုးစားရင်း ကံကြမ္မာရဲ့ ထိုးနှက်မှုတွေကို ဘယ်လိုရင်ဆိုင်ရဦးမလဲ? တကယ်ပဲ နိုင်ငံကနေ နှင်ထုတ်ခံရမှာလား? မယားပါသမီးပေမယ့် သမီးအရင်းလိုချစ်ရတဲ့ ကလေး လေးနဲ့ရော ဘယ်လိုသားအဖ သံယောဇဉ်တွေရှိမလဲ? ဒီမိသားစုကားလေးဟာ ကြည်နူးတစ်လှည့် ဝမ်းနည်းတစ်လှည့်နဲ့ ခံစားချက်အပြည့်အဝ ပေးစွမ်းနိုင်မယ့် လက်မလွှတ်သင့်တဲ့ ဇာတ်လမ်းကောင်းလေးဖြစ်ပါတယ်။