Bhoothnath Returns

ဒီတစ်ခေါက်ရွှေပန်းသီး ပရိတ်သတ်ကြီးကို တင်ဆက်ပေးမယ့်ကားလေးကတော့ ၂၀၁၄ ခုနှစ်မှာရုံတင်ပြသခဲ့တဲ့ အိန္ဒိယဇာတ်လမ်းကောင်းလေး တစ်ပုဒ်ဖြစ်ပါတယ် ဒီကားလေးရဲ့ နာမည်ကတော့ Bhoothnath Return ဖြစ်ပြီး ဒါရိုက်တာ Nitesh Tiwari ကရိုက်ကူးတင်ဆက်ထားတာ ဖြစ်ပါတယ် ဒီကားလေးထဲမှာတော့ အိန္ဒိယနာမည်ကြီးမင်းသားကြီး Amitabh Bachchan နဲ့ကလေးသရုပ်ဆောင် Parth Bhalerao တို့က အဓိက ပါဝင်သရုပ်ဆောင်ထားပါတယ် ဒီကားလေးရဲ့ဇာတ်အိမ် ဖွဲ့စည်းပုံကတခြားကားတွေနဲ့မတူပါဘူး ဒီကားလေးထဲမှာ အမီတာဘဂျမ်းက သရဲတစ်ကောင်အဖြစ်ပါဝင်သရုပ်ဆောင်ထားပါတယ် သူဟာ သရဲတစ်ကောင် ဖြစ်ပေမယ့် သူ့ကိုကလေးကအစမကြောက်ကြပါဘူး အဲ့ဒါကြောင့် သူဟာ သူ့ကိုကလေးတွေကြောက်အောင်လုပ်ဖို့ အိန္ဒိယကို ပြန်လာခဲ့ပါတယ် သူရဲ့သရဲပုံစံကိုတော့ အဂိုရော့ဆိုတဲ့ကလေးက အမှန်အတိုင်းမြင်နိုင်လို့ သူ့ကို ကလေးတွေကြောက်အောင်လုပ်တဲ့နေရာမှာ ကူညီပေးခဲ့ပါတယ် အဂိုရော့က အရမ်းဆင်းရဲတဲ့ ကလေး တစ်ယောက်ပါ အဲ့ဒါနဲ့ အဂိုရော့ရဲ့ ဘဝအဆင်ပြေအောင် ကူညီပေးရင်းနဲ့ အိန္ဒိယနိုင်ငံမှာရှိတဲ့ အကျင့်ပျက်ခြစားမှုတွေကို သိရှိလာခဲ့ပြီး အဲ့အမူ အအကျင့်တွေကို ဖျောက်ပေးချင်တဲ့စိတ်ကြီးက အမီတာဘဂျမ်းမှာ ပေါ်ပေါက်လာခဲ့ပါတယ် နောက်ဆုံးမှာတော့ အဂိုရော့ရဲ့တိုက်တွန်းမှု ကြောင့်ကော သူ့ရဲ့စိတ်ဆန္ဒအလျောက်ကော သူဟာ အိန္ဒိယနိုင်ငံရဲ့ရွေးကောက်ပွဲမှာ ပါဝင်ယှဉ်ပြိုင်ဖို့ ဆုံးဖြတ်ခဲ့ပါတယ် အဲ့တော့မင်းသားကြီး အမီတာဘဂျမ်း တစ်ယောက် အိန္ဒိယနိုင်ငံရဲ့ ရွေးကောက်ပွဲမှာ အဆင်ပြေချောချောမွေ့မွေ့နဲ့ ဝင်ရောက်ယှဉ်ပြိုင်နိုင်မလား၊ ဘယ်လိုအခက်အခဲ မျိုးတွေနဲ့ကြုံတွေ့ရမလဲဆိုတာတော့ ဒီကားလေးထဲမှာ ဆက်လက်ရှုစားလိုက်ကြပါတော့နော် ဒီကားလေးကို ပရိတ်သတ်ကြီးအကြိုက်တွေ့ စေမယ့် ဟာသဇာတ်မြူးကားလေးတစ်ကား ဖြစ်မှာ အသေအချာပါပဲနော်