Bheeshma Parvam

ဒီတစ်ခါတော့ Bollywood ပရိသတ်တွေအတွက် ကားကောင်းလေးတစ်ကားနဲ့ မိတ်ဆက်ပေးပါရစေ။ ကိုချီပြည်နယ်တစ်ခုလုံးမှာ အန်ဂျိုတီမိသားစုဆိုတာ ဩဇာအာဏာရှိတဲ့ ခရစ်ယာန်ဘာသာဝင် မိသားစုကြီးပါ။ အန်ဂျိုတီရဲ့ ဗာကီနဲ့အမ်နမ်မာတို့မှာ သား(၄)ယောက်နဲ့ သမီး(၁)ယောက် ထွန်းကားခဲ့ပြီး အကြီးဆုံးသားက လူမိုက်တွေနဲ့ရန်ဖြစ်ပြီး အသတ်ခံရလို့ သေသွားခဲ့ရာမှ တတိယမြောက်သားဖြစ်တဲ့ ဥပဒေကျောင်းဆင်း မိုက်ကယ်က သူ့အစ်ကိုအတွက် လက်စားချေပြီး ထောင်ကျခဲ့ပါတယ်။ မိုက်ကယ် ထောင်ကပြန်လွတ်လာပြီးနောက်ပိုင်းမှာ သူ့ရဲ့လုပ်ရည်ကိုင်ရည်နဲ့ လက်ရဲဇက်ရဲ ရှိမှုကြောင့် အန်ဂျိုတီမိသားစုကြီးထဲမှာ အာဏာရလာပါတယ်။ မိဘတွေကွယ်လွန်သွားပြီးနောက် မိုက်ကယ်ဟာ လူမိုက်အလုပ်ကို စွန့်လွှတ်ပြီး မိသားစုလုပ်ငန်းကိုဦးစီးခဲ့ပါတယ်။ နေလာရင်းနဲ့ ဒုတိယသားကြီး ဖြစ်တဲ့ မသိုင်ရဲ့ သားသမီးတွေက လုပ်ငန်းအကြောင်းပြပြီး မိသားစုပိုင်ငွေကြေးကို သုံးဖြုန်းနေကြတာကို ဦးလေးမိုက်ကယ် သိမှာကတစ်ကြောင်း၊ ဝါပိုကြီးတဲ့ သူတို့ဖခင်ထက် ပိုပြီး ဦးလေးဖြစ်သူက ဆုံးဖြတ်ပိုင်ခွင့်ရှိနေတော့ မလွတ်မလပ်တာက တစ်ကြောင်းနဲ့ လူမိုက်တွေနဲ့ပေါင်းပြီး မိုက်ကယ့်ကို လုပ်ကြံဖို့ ကြိုးစားကြတဲ့အခါ သူတို့အကြံအောင်မြင်မှာသွားမှာလားဆိုတာ ဆက်ကြည့်ကြရအောင်။ Bollywood Movieတွေရဲ့ ထုံးစံအတိုင်း အကခန်း နည်းနည်းပါးပါး ပါပေမဲ့ တချို့ကားတွေထက်စာရင်တော့ နည်းပါတယ်နော်။ IMDB မှာ 7.7 တောင်ရထားလို့ ကားကောင်းတစ်လက်ဆိုတာ အထွေအထူး ပြောစရာကိုမလိုတော့ပါဘူး။ အကြမ်းအရမ်းကြိုက်တဲ့ Bollywood ရုပ်ရှင်ချစ်သူတွေအတွက် အကြိုက်တွေ့စေမှာ အသေအချာပါပဲ။