Ardh

Ardh ဆိုတာကတော့ မြန်မာလိုဆိုရင် တစ်ဝက်လို့ တိုက်ရိုက်အဓိပ္ပါယ်ပြန်လို့ရပါတယ်။ ဒါပေမဲ့ ဒီရုပ်ရှင်အတွက် လိုက်ဖက်တဲ့ မြန်မာ နာမည် ပေးမယ်ဆိုရင် ဘဝဆိုတဲ့ စကားလုံးက အသင့်တော်ဆုံးဖြစ်မှာပါဗျ။ ဒီရုပ်ရှင်လေးထဲမှာ ရုန်းကန်နေရတဲ့ ဖခင်တစ်ယောက်ကိုမြင်ရမယ်။ သိမ်ငယ်စိတ်တွေနဲ့ ခင်ပွန်းတစ်ယောက်ကိုမြင်ရမယ်။ မျှော်လင့်ချက်တွေနဲ့ ကြိုးစားနေတဲ့လူတစ်ယောက်ကိုမြင်ရမယ်။ ဒီဇာတ်လမ်းရဲ့ အဓိက ဇာတ်ကောင် ရှီဗာဟာဆိုရင် မိသားစုအတွက် မိန်းမတစ်ယောက်လို ဝတ်စားပြီး လမ်းဘေးမှာ ဆုတောင်းပြီး ပိုက်ဆံပြန်ယူတဲ့ လူတစ်ယောက် ဖြစ်ပေမဲ့၊ တစ်ဖက်မှာလည်း သူ့ရဲ့ အိပ်မက်ဖြစ်တဲ့ သရုပ်ဆောင်ဘဝကို အရောက်သွားနိုင်ဖို့ကြိုးစားနေတဲ့သူလည်းဖြစ်ပါတယ်ဗျ။ ဝါသနာနဲ့ ဝမ်းစာဆိုတဲ့ ရွေးချယ်စရာမဟုတ်တဲ့ ရွေးချယ်စရာတွေကြားကနေ ရှီဗာတစ်ယောက် ဖခင်တစ်ယောက်အဖြစ်၊ ခင်ပွန်းတစ်ယောက်အဖြစ် ဘယ်လိုရှေ့ဆက်သွားမလဲဆိုတာကို ဒီရုပ်ရှင်ထဲမှာ ရိုးရိုးလေးမြင်တွေ့ရမှာ။ ဒီဇာတ်လမ်းထဲမှာ ရုန်းကန်နေရတဲ့ဘဝတွေရဲ့ သက်ပြင်းတွေနဲ့အတူ ချစ်ခြင်းမေတ္တာသန့်သန့်လေးတွေကိုလည်း ရိုးရိုးလေး ပုံဖော်ပြထားတဲ့အတွက် မွဲပြာပုဆိုးဇာတ်လမ်းတွေကို ငြီးငွေ့နေရင် ဒီ Ardh ဆိုတဲ့ Indie ဆန်ဆန်ရုပ်ရှင်လေးကို ကြည့်ဖြစ်အောင် ကြည့်ကြဖို့ တိုက်တွန်းချင်ပါတယ်ဗျ။