All Is Lost

ဒီတစ်ခါမိတ်ဆက်ပေးမယ့်ကားလေးကတော့ ၂၀၁၃ ခုနှစ်ကထွက်ရှိထားတဲ့ survival film အမျိုးအစား All is lost ဆိုတဲ့ ဇာတ်ကားလေးပဲ ဖြစ်ပါတယ် ဒီဇာတ်ကားမှာတော့ မင်းသား Robert Redford က တစ်ဦးတည်းသော ဇာတ်ကောင်အဖြစ်ပါဝင်သရုပ်ဆောင်ထားပါတယ် ဒီဇာတ်ကားနဲ့ပဲ မင်းသားကြီးဟာ New York Film Critics Circle Award for Best Actor ရရှိခဲ့ပါတယ် အိန္ဒိယသမုဒ္ဒရာအလယ်မှာ ရောဘတ်ဟာ ရွက်လှေတစ်စီးကို တစ်ဦးတည်းရွက်လွှင့်ခဲ့ပါတယ် တစ်မနက်ခင်း သူနိုးလာတဲ့အချိန်မှာတော့ လှေထဲကို ရေတွေဝင်လာတာ တွေ့တဲ့အတွက် အပေါ်တက်ကြည့်တဲ့အခါ သူ့ရဲ့လှေဟာ ကွန်တိန်နာ တစ်ခုနဲ့တိုက်မိပြီး လှေဝမ်းဗိုက်ပိုင်းပေါက်သွားတဲ့အကြောင်း သိလိုက် ရပါတယ် ရောဘတ်ဟာ ကွန်တိန်နာကို ကျောက်ဆူးကြိုးနဲ့ဖယ်လိုက်ပြီး လှေပေါ်ပြန်လာခဲ့ပါတယ် ဆက်သွယ်ရေးကိရိယာတွေက ပင်လယ် ရေဝင်သွားတဲ့အတွက် အကူအညီတောင်းဖို့ မတတ်နိုင်ခဲ့ပါဘူး ရောဘတ်ဟာ သူ့ လှေပေါ် ပါလာတဲ့ ပစ္စည်းတွေနဲ့တတ်နိုင်သမျှ ပေါက်သွားတဲ့ နေရာကိုပိတ်ပြီး ဆက်လက်ရွက်လွှင့်ခဲ့ပါတယ် ကံမကောင်းစွာနဲ့ပဲ ညရောက်တဲ့အခါ မိုးသက်လေပြင်းဒဏ်နဲ့ကြုံတွေ့ခဲ့ရပြီး လှေဟာ ပင်လယ်ထဲ နစ်သွားခဲ့ပါတယ် ရောဘတ်တစ်ယောက်ကတော့ အသက်ကယ်လှေပေါ်မှာ လိုအပ်တဲ့ပစ္စည်း အနည်းငယ်နဲ့ ပင်လယ်ထဲမှာ ဆက်လက်သောင်တင်နေခဲ့ပါတယ် ရောဘတ်မှာ မြေပုံတစ်ခုရယ် အဝေးကြည့်မှန်ပြောင်းတစ်ခုရယ် စားစရာအနည်းငယ်လောက်သာ ကျန်တော့ပါတယ် ဒါပေမဲ့ ရောဘတ်ဟာ အားမလျှော့ခဲ့ပါဘူး ဖြတ်သွားမယ့် သင်္ဘောဆီကနေအကူအညီကဖို့ မျှော်လင့်ပြီး အားတင်းထား ပါတယ် ရောဘတ် တစ်ယောက် သူ့ကိုကူညီပြီး ကယ်တင်နိုင်မယ့် သင်္ဘောကို ရှာ‌တွေ့နိုင်သွားမှာလား? ပင်လယ်သမုဒ္ဒရာလှိုင်းဒဏ်တွေကိုကော သူဘယ်လို ရင်ဆိုင်ဖြေရှင်းမလဲဆိုတာကိုတော့ ဇာတ်ကားထဲမှာပဲ ဆက်လက်ကြည့်ရှုလိုက်ပါ ရောဘတ်တစ်ယောက်ပင်လယ်ပြင်မှာ ကြုံတွေ့ ရတဲ့ အခက်အခဲတွေကို ကင်မရာရိုက်ချက်ကောင်းကောင်းနဲ့ စိတ်လှုပ်ရှားစွာ ကြည့်ရှုခံစားရမှာပါ IMDb ratingကတော့ 6.9/10 ရရှိထား ပါတယ်