Aftermath

ဒီတစ်ခါ ကြည့်ရှုရမယ့် ဇာတ်ကားကတော့ တကယ့်ဖြစ်ရပ်မှန်ဇာတ်လမ်းကို အခြေခံရိုက်ကူးထားပြီး August 4 ရက်နေ့က ထွက်ရှိခဲ့တဲ့ Aftermath ဆိုတဲ့ ဇာတ်ကားပဲဖြစ်ပါတယ် ဒီဇာတ်လမ်းထဲမှာတော့ ကယ်ဗင်နဲ့နက်တလီဆိုတဲ့ လင်မယားနှစ်ယောက်က ငွေကြေးပိုင်းရော၊ အိမ်ထောင်ရေးအပိုင်းမှာပါ အဆင်မပြေကြပါဘူး။အဲဒီလိုနဲ့ တစ်နေ့မှာ ကျွမ်းကျင်တဲ့ပညာရှင်တစ်ယောက်နဲ့ အိမ်ထောင်ရေးကိစ္စကို တိုင်ပင် ဆွေးနွေးခဲ့ကြပါတယ် အိမ်ထောင်ရေးအဆင်ပြေဖို့အတွက် နေရာအသစ်ပြောင်းခိုင်းလိုက်တဲ့အခါမှာတော့ ငွေကြေးပြဿနာကြောင့် တန်ဖိုးနည်းအိမ်ကိုလိုက်ရှာပါတယ်။ အဲဒီနောက်မှာတော့ မကြာသေးခင်ကမှ ဇနီးသည်ကိုသတ်ပြီး ကိုယ့်ကိုကိုယ်သတ်သေသွားတယ်ဆိုပြီး လူတွေကြောက်လန့်နေတဲ့အိမ်ကြီးဟာ သူတို့တတ်နိုင်တဲ့အနေအထားဖြစ်တာကြောင့် ငွေတစ်ဝက်ချေပြီးဝယ်လိုက်ကြပါတယ် ပထမဆုံး စပြောင်းတဲ့အချိန်ကစပြီး ဘယ်လိုထိတ်လန့်ဖွယ်ရာတွေနဲ့ကြုံပြီး ဘယ်လိုတွေရှေ့ဆက်ကြမလဲ ၊ သည်းထိပ်ရင်ဖိုစရာကောင်းတဲ့ ဒီအိမ်ကြီးမှာပဲ ဆက်ပြီးနေကြမလားဆိုတာကိုတော့ ရင်တလှိုက်လှိုက်နဲ့ ခံစားကြည့်ရှုရမှာဖြစ်ပါတယ်