After She Died

သေပြီးသားသူတွေ ပြန်အသက်ရှင်လာရင် ဘာတွေဖြစ်မလဲ။ ကျန်နေခဲ့တဲ့ မိသားစုဝင်တွေက ပျော်နေကြမှာလား။ ကြောက်နေကြမှာလား။ ဒွိဟဖြစ်နေကြမှာလား။ အကုန် ပုံမှန်ပဲ ဖြစ်နေကြမှာလား။ ဂျန်နီဖာဆိုတဲ့ကောင်မလေးဟာ အပေါင်းအသင်း နည်းနည်းပဲရှိပြီး အသိုင်းအဝိုင်း ကျဉ်းတာကြောင့် မိခင်ဖြစ်သူကို အင်မတန်တွယ်တာတဲ့သူဖြစ်ပါတယ်။ တစ်နေ့မှာတော့ သူ့ရဲ့ မိခင်ဟာ အကြောင်းတစ်ခုကြောင့် သေဆုံးသွားခဲ့ပါတယ်ဗျ။ သူ့အမေဆုံးသွားလို့ ပူဆွေးမဆုံးခင်မှာပဲ သူ့အဖေဟာ အိမ်ကို သူ့ရဲ့ရည်းစားအသစ်တစ်ယောက် ခေါ်လာခဲ့ပါတယ်။ ထူးဆန်းတာက သူ့အဖေရဲ့ ရည်းစားအသစ်ဟာ သူ့အမေနဲ့ ချွတ်စွပ်တူနေခဲ့ပါတယ်ဗျ။ ဂျန်နီဖာလည်း ပဟေဠိဖြစ်သွားပြီး ဘာတွေဖြစ်နေလဲ ဖော်ထုတ်ဖို့ကြိုးစားရင်းကနေ သူတို့မြို့လေးမှာဖြစ်နေတဲ့ ထူးဆန်းတဲ့ကိစ္စတွေကို တဖြည်းဖြည်း မြင်လာရပါတော့တယ်ဗျ။ ဒီရုပ်ရှင်ထဲမှာဆိုရင် horror, thriller ရုပ်ရှင်ဆိုပေမဲ့ Mainstream ဆန်မနေဘဲ ရိုက်ချက်တွေက တော်တော်လေး indie ဆန်နေတာကို မြင်တွေ့ရမှာပါ။ သာမန် မြင်နေကျ သည်းထိတ်ရင်ဖိုရုပ်ရှင်တွေနဲ့ မတူဘဲ Jump scare နည်းနည်းနဲ့ တစိမ့်စိမ့် creepy ဖြစ်နေတဲ့ အရသာကို ခံစားရမှာပါဗျ။ ရုပ်ရှင်ထဲမှာ သွေးထွက်သံယိုခန်းတချို့ ပါဝင်တာမလို့ နှလုံးရောဂါရှိသူတွေ၊ sensitive ဖြစ်တတ်သူတွေ ကြည့်ဖို့ မသင့်တော်ပါဘူး။ ဒါပေမဲ့ Horror ရုပ်ရှင် ပုံစံသစ်တစ်ခုကို မြည်းစမ်းချင်သူတွေအတွက်တော့ လက်မလွှတ်သင့်တဲ့ ရုပ်ရှင်ကောင်းတစ်ပုဒ်ပဲဖြစ်ပါတယ်ဗျ…။