A Chinese Fairy Tale

ဒီဇာတ်လမ်းလေးကလည်း အရမ်းနာမည်ကြီးတဲ့အတွက် ခဏခဏပြန်ရိုက်ကြလို့ Version တွေ အများကြီး ရှိပါတယ်။ ပထမဆုံးအနေနဲ့ ကတော့ ၁၉၈၇ မှာ အရမ်းချောတဲ့ မင်းသမီးလေး “Joey Wang” နဲ့ ရိုက်ကူးထားတာပါ။ အခု တင်ဆက်ပေးမယ့် ဇာတ်ကားကတော့ ၂၀၁၁ မှာ တရုတ်ကားချစ်သူတွေ အားလုံးရဲ့ အသဲစွဲ “Liu Yifei” တော်တော်များများကလည်း “ဂူဂူး”လို့ သိကြတဲ့ မင်းသမီးလေးနဲ့ ရိုက်ကူးထားတာပဲ ဖြစ်ပါတယ်။ ဇာတ်လမ်းလေးကတော့“ယင်းချီဟာ”လို့ခေါ်တဲ့ မိစ္ဆာနှိမ်နင်းသူက မထင်မှတ်ဘဲနဲ့ မိစ္ဆာမလေး“ဆူစင်း”နဲ့ တွေ့ဆုံပြီး ချစ်မိသွားခဲ့ ကြပါတယ်။ ဒါပေမဲ့ မိစ္ဆာနှိမ်နင်းသူဖြစ်တဲ့ “ယင်းချီဟာ”က လူနဲ့ မိစ္ဆာ အတူနေလို့ မရဘူးဆိုပြီး “ဆူစင်း”ကို သူနဲ့ပတ်သက်သမျှ အကြောင်းတွေ အားလုံးကို မေ့ပျောက်သွားအောင် လုပ်ခဲ့တယ်။ ဒါပေမဲ့လည်း အဲ့ဒီနေရာကို “နင်ချိုင်စံ”ဆိုတဲ့ ကောင်လေးတစ်ယောက် ရောက်ရှိလာတဲ့ အချိန်ကစပြီး အရာရာဟာ ပြန်ပြီး အစပျိုးလာခဲ့ရပါတယ်။ အချစ်ဇာတ်လမ်းကြိုက်တဲ့ ပရိသတ်တွေအတွက်ဆိုရင်တော့ မကြည့်ဖူးသေး ရင်လည်း ကြည့်သင့်ပြီး၊ ကြည့်ပြီးသားဆိုရင်တောင် ပြန်ကြည့်သင့်တဲ့ လွမ်းမောဖွယ်ရာဇာတ်လမ်းကောင်းလေးပါ။ အချစ်မှာ သတ်မှတ်ချက် တွေ မရှိပေမဲ့လည်း တားမြစ်ထားတဲ့ သဘာဝရဲ့ စည်းတွေကြောင့် ဝေးကွာခဲ့ကြရတဲ့ ချစ်သူတွေရဲ့ ခံစားချက်ကို တွေ့မြင်ရမယ့် ဇာတ်လမ်း မျိုးလေးဖြစ်လို့ အားလုံးပဲ ကြည့်ရှုလိုက်ကြပါဦး။